AQSh Bosh prokurori Trampning milliy xavfsizlik bo‘yicha sobiq maslahatchisi general Maykl Flinni jinoiy javobgarlikka tortishni to‘xtatish to‘g‘risidagi qarori, bu prezident ma’muriyatining siyosiy raqiblari ustidan g‘alabasi va yana bir bor "Rossiya fitnasini tergov qilish" bitta katta feyk (soxta ma’lumot yoki hodisa – tahr.) ekanligini namoyishi.
AQSh Demokratik partiyasi va Amerika amaldorlarining eng rusofobcha fikrlaydigan qismi talqiniga ko‘ra, Flinn go‘yo Tramp jamoasi va Rossiya hukumati o‘rtasidagi bog‘lovchi zanjirning bir halqasi bo‘lgan va shuning uchun uning real oqlanishi (generalning o‘zi aybini ikki marta tan olib ulgurganiga qaramay) allaqachon prezidentlik saylovlari oldidan Amerika axborot maydonida mavjud bo‘lgan butun anti-Rossiya g‘oyasi uchun kattagina muammo, garchi koronavirus fonida xiralashgan bo‘lsa ham.
Ammo bundan ham muhimi, Amerika xavfsizlik hizmatlarining yangi rahbariyati o‘zlaridan oldingilarning arxivlarini ochganligi va unda Amerika xavfsizlik kuchlari va adliya tizimiga ishonadiganlar uchun bir nechta noxush xulosalar kelib chiqishi.
Birinchidan, FQB (Federal Qidiruv Burosi-tahr.) va umuman "Rossiya fitnasi"ni tergov qilgan barcha tashkilotchilar dastlab hech qanday fitna yo‘qligini bilishgan va ular haqiqatan ham Tramp ma’muriyatiga qarshi tergov davom ettirish uchungina mutlaqo aybsiz odamni qamashga urinishayotganini bilishgan.
Ikkinchidan, aniqlanishicha, Barak Obama va Jo Baydenning o‘zlari, shuningdek, amaldan ketayotgan prezident ma’muriyatining boshqa vakillari ham ushbu sxemadan xabardor bo‘lgan va Trampning qonuniy saylanishiga yo‘l qo‘ymaslik uchun noqonuniy tergovni qo‘llab-quvvatlashgan.
Shunday ham bo‘lishi mumkinki, "Rossiya fitnasi"ning tergovi prezidentlik saylovida Bayden muvaffaqqiyatsizlik bo‘lishi mumkin va agar omadi kelmay qolsa, Bayden va Obama Amerika josuslik va kontrrazvedka tuzilmalari rahbarlarining kattagina qatori bilan birga panjara ortiga ketishi mumkin.
Oxir oqibat, "Rossiya agenti"ning Oq uyga kirishiga yo‘l qo‘ymaslik bahonasida amalga oshirilgan davlat to‘ntarishiga urinish (tashkilotchilar uning agent emasligini avvaldan aniq bilishiga qaramay), baribir davlat to‘ntarishiga urinishi bo‘lib qolib, unga yuqori martabali xavfsizlik xodimlarini jalb qilinishini sud qo‘shimcha og‘irlashtiruvchi omil deb topadi.
Britaniyaning The Times gazetasi, Tramp o‘zining milliy xavfsizlik bo‘yicha maslahatchisi uzridan qoniqishga tayyor emasligiga e’tiborni bejiz jalb qilmayapti, bu ish bir necha yillardan beri AQSh prezidenti Amerika xavfsizlik kuchlarini nazorat qilmayotganining yaqqol isbotidir. Hozirda gap "Obamaning xavfsizlik kuchlari"ga qarshi janjalni va unga qo‘shimcha tarzda kelayotgan tergovni jamoat tekkisligiga o‘tkazish va buni aynan prezidentlik saylovoldi kampaniyasini yakuniga yetishiga amalga oshirishdadir. Ammo asosiy ayblov prokuratura tomonidan emas, balki AQSh prezidentining tvitterida chiqarilgan.
"Prezident Tramp, Barak Obama va uning vitse-prezidenti Jo Bayden "Rossiya tergovi"ga aniqlik kiritadigan hujjatlarni ochiqlash bahonasida amaldagi ma’muriyatini "ag‘darib tashlash" uchun fitna uyushtirganini aytdi. Trampning bayonotlari Adliya vazirligi tomonidan o‘tkazilgan tergovidan so‘ng FQB agentlari Flinni "tergovni hech qanday qonuniy asossiz" ta’qib qilgan degan xulosaga kelishganidan keyin, uning milliy xavfsizlik bo‘yicha birinchi maslahatchisi Maykl Flinndan ayblovlarni olib tashlanishi fonida berildi. Janob Flinn FQBga yolg‘on gapirganida o‘z aybini tan oldi, ammo keyinchalik o‘z iqroridan voz kechdi", - deb yozadi The Times.
FQBning ezguligi va maxsus xizmatlarning siyosiy mustaqilligiga ishongan qonunparast amerikalik nuqtayi nazaridan, AQSh Bosh prokurori Barr (Trampga sodiq) tomonidan oshkor qilingan hujjatlar shunchalik yovvoiy ko‘rinadiki, Amerika moliyaviy matbuotining flagmani The Wall Street Journal o‘z o‘quvchilariga bu hujjatlar bilan shaxsan tanishishga taklif qiladi, chunki nashr tahririyati o‘quvchilar shunchaki quruq gapga ishonishlariga ishonchlari komil emas: “Biz Amerikada bunday bo‘lishi mumkin emas deb o‘ylaydigan o‘quvchilarga Adliya vazirligi tomonidan sudga taqdim etilgan hujjatlar bilan tanishib chiqishni maslahat beramiz. Unda FQB 2016-yil oxirida janob Flinn Rossiya bilan fitna uyushtirganiga oid hech qanday dalil yo‘qligi to‘g‘risida hulosaga kelgani aytiladi".
Umuman olganda, FQB agentlarining qaydlaridan kelib chiqadiki, ular qiyin tanlov oldida turishgan: general Flinnni biron bir texnik noaniqlik uchun hibsga olish (hattoki biron bir telefon qo‘ng‘irog‘i vaqtini yoki gumondor ma’lum bir kun kiygan galstukning rangini noto‘g‘ri ko‘rsatganlik fakti ham jinoiy ta’qib uchun yetarli) yoki haqiqatni aniqlash. Va FQB rahbariyati "generalni noaniqlikda tutib" uni prezidentga qarshi ko‘rsatma berishga majburlashga ongli qaror qabul qildi.
The Wall Street Journal nashrida ta’kidlanishicha, maxsus prokuror Muller generalning oilasi va uning o‘g‘lini moliyaviy halokatga olib kelishga tahdid qilishgacha (Amerika sudida FQBdan himoyalanish juda qimmat lazzatdir) bordi: "Va (generalning haqiqiy aybsizligi to‘g‘risida) barchasini bilib olgan janob Muller, maxsus prokuror bo‘lganidan ko‘p o‘tmay, janob Flinnga va o‘g‘liga tahdidlar bilan jinoiy ta’qib qilishni davom ettirib yurib, undan aybda iqrorni oldi".
General aslida o‘g‘lini qutqarish uchun aybni bo‘yiniga oldi, lekin prezidentga tuhmat qilishdan bosh tortdi, garchi "Rossiya fitnasini tergovi" tashkilotchilari aynan shunga umid qilishgan.
Zotan, huddi shu elementlarning o‘zi "Rossiya fitnasi"ni tekshirishga qaratilgan barcha urinishlar shunchaki AQSh xavfsizlik kuchlarining Trampni Rossiya bilan hamkorlik qilish bahonasida lavozimidan chetlatishga urinishi ekanligini anglash uchun yetarli.
Ammo bu hali hammasi emas: aftidan, fitnada Barak Obama shaxsan ishtirok etgani aniqlandi, u o‘zining shaxsiy qiziqishi va operatsiyadan xabardorligi to‘g‘risida hujjatli dalillarni qoldirgan, bu esa to‘ntarishga urinish deb baholanishi mumkin.
Fox News xabar berishicha: "Prezident Obama 2016-yil dekabr oyida Milliy xavfsizlik masalalari bo‘yicha maslahatchisi Maykl Flinn va Rossiya elchisi Sergey Kislyak o‘rtasida bo‘lib o‘tgan telefondagi suhbat tafsilotlaridan xabardor bo‘lgan, bu esa Bosh prokuror o‘rinbosari Salli Yeytsni ajablantirganga o‘xshaydi. Bu payshanba kuni prokuraturaning Flinn ishini yopish to‘g‘risidagi qarori kontekstidagi hujjatlardan kelib chiqadi.
Agar AQShning sobiq prezidenti folbin bo‘lmasa, bu vaziyatning yagona mantiqiy izohi shundaki, Obamaning o‘zi, uning atrofidagilar va AQSh xavfsizlik kuchlari tarkibidagi "chuqurlikdagi davlat" vakillari bu to‘ntarish rejasini birgalikda tayyorlashgan va birgalikda siyosiy raqiblarni, Tramp shtabi va uning maslahatchilarini noqonuniy ravishda kuzatib borishgan, birgalikda uning lavozimga kirishiga to‘sqinlik qilish uchun har qanday imkoniyatlarni qidirgan.
Va bu, ehtimol, Tramp o‘sha paytdaga prezidentni o‘z saylovoldi kampaniyasini kuzatib borish va sabotaj qilish uchun xavfsizlik kuchlaridan foydalanishda ayblaganida to‘liq haq bo‘lganligini anglatadi ham.
Ushbu janjalning istiqbollari ravshan: agar siyosiy vaziyat talab qilsa, Obama, Bayden va Amerika kuch tuzilmalarining butun rahbariyati davlat to‘ntarishida guvohlik berish uchun sudda bo‘lishi mumkin, bu mavzu esa saylov kampaniyasining asosiy mavzularidan biriga aylanishi mumkin. Demokratik partiya bu yilgi saylov siklidagi ushbu janjaldan omon qolmasligi ham mumkin, amerikaliklarning o‘z kuch tuzilmalarining halolligiga bo‘lgan ishonchi esa umuman puchga chiqadi.
Afsuski, bu holat Rossiya-Amerika munosabatlarini yaxshilay olmaydi - Rossiyaga qarshi sanksiyalar "Rossiya fitnasi" uchun emas, balki geosiyosiy mulohazalardan kelib chiqib joriy qilingan. Ammo, hech bo‘lmaganda, Vashington-Moskva liniyasidagi kelajakdagi muzokaralar, ayniqsa "Rossiya tergovi" tashkilotchilarining ayrimlari kamalgan taqdirda, ziddiyatlarsiz o‘tadi.
