O‘zbekiston-2017: dunyo hamjamiyati e’tiborida bo‘lgan Mirziyoyev

© Ofitsialniy sayt prezidenta KirgizstanaPrezident Uzbekistana Shavkat Mirziyoyev s suprugoy vstrechayet prezidenta Kirgizstana Almazbeka Atambayeva v aeroportu Tashkenta
Prezident Uzbekistana Shavkat Mirziyoyev s suprugoy vstrechayet prezidenta Kirgizstana Almazbeka Atambayeva v aeroportu Tashkenta - Sputnik O‘zbekiston
Obuna bo‘lish
Oliy majlis senatiga yo‘llagan murojaatnomasida O‘zbekiston prezidenti vazirlar haqida gapirar ekan, "bu yil ular sinovdan o‘tdi" degan fikrni bildirdi. 2017-yil, ya’ni prezident etib saylangan Shavkat Mirziyoyev o‘z faoliyatining birinchi yilida nafaqat mamlakat aholisi, balki jahon hamjamiyatining "imtihon"idan muvaffaqiyatli o‘tdi

TOShKENT, 28 dek — Sputnik, Dilshoda Rahmatova. Yakunlanayotgan 2017-yil O‘zbekiston uchun o‘n yillar davomida odamlar ongiga mustahkam o‘rnashib olgan va davlatchilikka ishonchni so‘ndirgan stereotiplarni ayovsiz sindirish hamda ulkan o‘zgarishlar uchun zamin yaratish yili bo‘ldi.

O‘zbekiston prezidenti Shavkat Mirziyoyev - Sputnik O‘zbekiston
Mirziyoyev xonadonlarga kirib, xalq turmush sharoitlari bilan yaqindan tanishdi
O‘zgarishlar — mamlakat hayotiga demokratiya shamolini olib kirish bo‘lib, bunga bosqichma-bosqich amalga oshirayotgan islohotlarda Shavkat Mirziyoyev tomonidan asos solinmoqda.

Davlat rahbari Shavkat Mirziyoyev ichki siyosatda qator islohotlarni amalga oshirish bilan birga, O‘zbekistonning tashqi siyosati yo‘nalishini tubdan o‘zgartirdi. BMT minbaridan turib dolzarb muammolarga dunyo hamjamiyati e’tiborini qaratdi, Markaziy Osiyo mintaqasi rivojiga xizmat qiladigan tashabbuslarni ilgari surdi va yillar davomida o‘z yechimini topmay kelayotgan muammolarda o‘zining siyosiy irodasini namoyon etdi.

Bir so‘z bilan aytganda, O‘zbekiston va Markaziy Osiyo tarixida yangi tarix sahifasi ochildi.

Prezident Uzbekistana Shavkat Mirziyoyev - Sputnik O‘zbekiston
Shavkat Mirziyoyevdan Markaziy Osiyo bo‘yicha "olti diplomatiya" taklifi
2017 yil O‘zbekiston tashqi siyosiy faoliyatini hech shubhasiz muvaffaqiyatli deb baholash mumkin: bunda Mirziyoyevning qo‘shnilar uchun "qarsillab" yopilgan eshiklarni ochish siyosati, Qirg‘iziston bilan ikki davlat o‘rtasidagi chegaraning 85%ni ratifikatsiya qilishi, bir asrlik tanaffusdan keyin O‘zbekistonga rasmiy safar bilan kelgan va O‘zbekiston prezidentining "katta birodari"ga aylangan Afg‘oniston rahbari, Markaziy Osiyoda mintaqaviy hamkorlikni chuqurlashtirish va kengaytirish, do‘stlik va ahil qo‘shnichilik muhitini yaratishga qaratilgan Samarqanddagi yirik xalqaro anjuman singari tarixiy o‘zgarishlar ko‘plab siyosatshunoslar tomonidan ijobiy baholandi.

Qayd etish joizki, dunyo davlatlari orasida so‘nggi vaqtlarda avj olgan "diplomatik mojarolar" fonida Mirziyoyevning "biz hamma bilan faqat do‘st bo‘lamiz" deya qat’iy bildirgan fikri, O‘zbekiston endi kim taraf bo‘lar ekan, degan savol bilan o‘zini qiynayotgan ekspertlarni ham biroz hayratlantirdi, desak yanglishmagan bo‘lamiz.

O‘zbekistonda tadbirkorlikni rivojlantirish va shu soha orqali xalqni boy qilishni o‘zining bosh mezonlaridan biri qilib olgan prezident Mirziyoyevning valyuta sohasida amalga oshirgan islohotlari ham dunyo hamjamiyatining alohida diqqat-markazida bo‘ldi.

Prezident Uzbekistana Shavkat Mirziyoyev - Sputnik O‘zbekiston
Mirziyoyev amaldorlarga: tadbirkor ertaga hammangni boqadi!
Xalqaro valyuta fondi O‘zbekistonda amalga oshirilayotgan valyuta islohoti respublikaga yanada samarali iqtisodiyotga o‘tish imkonini berishini qayt etdi. Xususan, XVFning Yaqin Sharq va Markaziy Osiyo bo‘yicha departamenti direktori Jixad Azur O‘zbekiston iqtisodiy islohotlarni amalga oshirish jarayonida ko‘plab to‘siqlarni bartaraf etishiga to‘g‘ri kelishini, lekin mazkur islohotlar mamlakatga yanada samarali va oxir-oqibat rivojlangan iqtisodiy tizimga o‘tish imkoniyatini berishini ta’kidlab, mamlakat hukumatini mintaqaviy hamkorlikni rivojlantirish va hududiy savdoni kengaytirishga qaratilgan sa’y-harakatlarini qizg‘in olqishladi hamda XVF O‘zbekiston bilan hamkorlik qilishga tayyorligini bildirdi.

Joriy yilda O‘zbekistonga BMT Inson huquqlari bo‘yicha kengashining din va e’tiqod erkinligi masalasi bo‘yicha maxsus ma’ruzachisi Ahmad Shahin ham tashrif buyurdi. BMTning maxsus vakili Ahmad Shahid O‘zbekistondagi turli din vakillari o‘rtasidagi totuvlik va hamjihatlik dunyoning hech bir davlatida kuzatilmasligini e’tirof etdi.

Portfeli - Sputnik O‘zbekiston
Moliya vazirligi tizimida 500dan ortiq xodim ishdan bo‘shatildi
2017 yil O‘zbekiston uchun davlat tuzilmalarini "nobop" kadrlardan tozalash, yirik kadrlar almashuvi, sirasini aytganda Hukumatni yangilash, yoshartirish yili bo‘ldi, deya e’tirof etish mumkin.

Mirziyoyevning amaldorlarga qo‘yayotgan talabi bitta: "Xalqni rozi qilish, xalqqa xizmat qilish".

O‘zbekiston rahbari 22-dekabr kuni O‘zbekiston Oliy Majlisi senatiga murojaatida ham 2018-yilda qator vazirlarni ishdan ketishini, o‘z vazifasini uddalay olmayotgan, "dunyoqarashi davr talabiga mos o‘zgara olmagan" rahbarlar o‘rniga tajribasiz bo‘lsada, sadoqatli yosh kadrlar kelishini alohida ta’kidlab o‘tdi.

Prezident o‘z Murojaatnomasida ertangi kun borasida xalqqa katta-katta va’dalar bergani yo‘q, u borini boricha aytdi. "Bugun yaxshi yashashni istar ekanmiz, belni mahkam bog‘lab mehnat qilamiz".

Jamiyat va hokimiyat o‘rtasida muloqot paydo qilgan, xalqga daromad olish manbalarini ko‘rsatayotgan, yaratayotgan, xalqning farovonligi asosida davlatni boy qilishga harakat qilayotgan Mirziyoyev rahbarligidagi zamonaviy O‘zbekiston barchaga xush kelmoqda.

Yangiliklar lentasi
0