TOShKENT, 31 dek — Sputnik. Sputnik tahririyati 2017-yil davomida jamoatchilik tomonidan muhokama qilingan eng mashhur iboralarni e’tiboringizga havola qilmoqda.
Ushbu iboralar orasida tugab borayotgan yilda ro‘y bergan eng shov-shuvli hodisalarni o‘zida to‘liq aks ettirganlari ham bor.
"Tuf senga, Aleksey Navalniy"
Usmonov o‘z sha’ni va qadr-qimmatini himoya qilish maqsadida Aleksey Navalniyga video murojaat yo‘llab, yuqoridagi ayblovlarning har birini aniq faktlar bilan inkor etib, "Tuf senga, Navalniy" degan va muxolifatchi ustidan Lyublino sudiga da’vo arizasini bergan edi.
Putin: xakerlik hujumlariga aloqamiz yo‘q
Amerika OAVlari tomonidan yil davomida eng ko‘p yoritilgan mavzular — bu Trampning prezident bo‘lishiga yordam bergan "Rossiya aralashuvi" atrofidagi hangomalar bo‘ldi.
Amerika maxsus xizmatlari rossiyalik xakerlar AQSh Demokratik partiyasi milliy qo‘mitasi serverini buzishgani haqida bayonot berib, bundan "Rossiya aralashuvi" haqida xulosaga kelgan edilar. Rossiya prezidenti Vladimir Putin bir necha marotaba Rossiya AQShdagi saylovlarga aralashmagani haqida rasman ma’lum qildi.
"Biz hech qanday xakerlik hujumlari bilan shug‘ullanmaganmiz. Har qanday davlat, hattoki Rossiya singari davlat ham saylov kampaniyasi faoliyati va uning natijalariga jiddiy ta’sir ko‘rsatishi mumkinligini tasavvur qilish qiyin", — degan edi Putin.
Vladimir Putin Rossiyaning Qo‘shma Shtatlardagi saylovlarga aralashuvini yolg‘on deb baholagan hamda demokratlar "Rossiyadan bo‘layotgan tahdidlarni" ko‘pirtirib ommaga havola qilish o‘rniga, saylovchilardan uzr so‘rashi kerakligini qayd etib o‘tgandi.
"Aqldan ozgan chol"
Shuningdek, Kim Chen In "Shimoliy Koreyani to‘liq yo‘q qilishi" haqidagi telbanamo so‘zlari uchun "javob berish"ga majbur qilishga va’da berdi.
Bunga qadar Donald Tramp o‘zining BMTda so‘zlagan nutqida modomiki, KXDR AQSh va uning ittifoqdoshlari uchun xavf tug‘diradigan bo‘lsa, Vashingtonning "Shimoliy Koreyani to‘liq yo‘q qilishdan o‘zga chorasi qolmasligi"ni ma’lum qilgan edi.
Trend bo‘lgan Ostrogorskiy
O‘zbekiston prezidenti Shavkat Mirziyoyev Moliya vazirligida faoliyat yuritgan, o‘zbek millatini sevmaganligi tufayli ishdan haydalgan "noinsof Ostrogorskiy" haqida o‘z murojaatnomasida tilga olgach, 22-dekabr kuni "Ostrogorskiy" familiyasi internetda eng ko‘p izlangan familiya bo‘ldi.
Prezidentning o‘z nutqi davomida aytgan "Ostrogorskiy-Mastrogorskiy-Sastragorskiy-Gastrogorskiy" jumlasi esa xalq orasida shu kunlarda qayta-qayta takrorlanayotgan eng mashhur iboraga aylanmoqda.
