Toshkentda xalqaro meva-sabzavot yarmarkasi o‘tkaziladi

© Sputnik / StringerToshkentdagi xalqaro meva-sabzavot yarmarkasi
Toshkentdagi xalqaro meva-sabzavot yarmarkasi - Sputnik O‘zbekiston
Obuna bo‘lish
Yarmarkada O‘zbekistonning barcha hududlaridan kelgan meva-sabzavot mahsulotlarini yetkazib beruvchilar va qayta ishlovchilar, turdosh soha vazirlik, idora va tashkilotlarning vakillari o‘z mahsulotlarini taqdim etadi, bundan tashqari eksportorlar va chet ellik xaridorlarga zarur bo‘lgan ma’lumotlar berishadi

TOShKENT, 18-iyul — Sputnik. 2017-yilning 6-8-sentabr kunlari Toshkent shahridagi "O‘zekspomarkaz" milliy ko‘rgazmalar majmuasida II Xalqaro meva-sabzavot yarmarkasi bo‘lib o‘tadi, deb xabar qildi O‘zbekiston Tashqi ishlar vazirligi matbuot-xizmati.

Mejdunarodnaya plodoovoshnaya yarmarka v Tashkente - Sputnik O‘zbekiston
O‘zbekiston 2017-yilda 102 ming tonnaga yaqin meva-sabzavot eksport qildi
Yarmarka mahalliy kompaniyalar uchun o‘z mahsulotlarini taqdim etish, eksport geografiyasini kengaytirish, qishloq xo‘jaligi mahsulotlarini sotish bozorlarini va yangi xorijiy hamkorlarni topish imkonini beradi.

Chet ellik ishtirokchilarga esa, o‘z davlatlari bozorlari uchun meva-sabzavot mahsulotlarini yetkazib berish borasida hamkorlik aloqalari o‘rnatishga zamin yaratadi.

"II Xalqaro meva-sabzavot yarmarkasidan ko‘zlangan asosiy maqsad — O‘zbekistonda ekologik toza, xususiyatlari iste’molbop va mazasi bo‘yicha tengi yo‘q sabzavot, meva, uzum va poliz mahsulotlari yetishtirishning g‘oyat katta imkoniyatlari, shuningdek, ularning sanoat asosida qayta ishlangan tayyor sifatli mahsulotlari to‘g‘risida xorijdagi qayta ishlovchi va savdo kompaniyalarni keng xabardor qilishdan iboratdir", — deyiladi xabarda.

Yarmarkaning asosiy vazifalari:

— xorijiy hamkorlarni O‘zbekiston Respublikasining meva-sabzavot mahsulotlari yetishtiruvchilari bilan tanishtirish;

Gruzchiki rabotayut na sklade ovoshey i fruktov - Sputnik O‘zbekiston
O‘zbekistondan Rossiyaga meva-sabzavot yetkazishdagi muammolar hal etiladi
- meva-sabzavot mahsulotlari yetishtiruvchilar, qayta ishlovchi korxonalar va xorijiy import qiluvchi kompaniyalar o‘rtasida uzoq muddatli, istiqbolli va o‘zaro manfaatli munosabatlar o‘rnatish;

— meva-sabzavot mahsulotlari yetkazib berish bo‘yicha bitim va shartnomalar tuzish.

Yarmarkada O‘zbekistonning barcha hududlaridan kelgan meva-sabzavot mahsulotlarini yetkazib beruvchilar va qayta ishlovchilar, turdosh soha vazirlik, idora va tashkilotlarning vakillari o‘z mahsulotlarini taqdim etadi, bundan tashqari eksportorlar va chet ellik xaridorlarga zarur bo‘lgan ma’lumotlar berishadi.

Ko‘rgazma pavilonlarida, xususan O‘zbekistonda yetishtirilgan xo‘l, quritilgan va qayta ishlangan meva, sabzavot, poliz va dukkakli mahsulotlar hamda ziravorlar taqdim etiladi.

Meva sabzavotlar savdosi - Sputnik O‘zbekiston
Xalqaro meva sabzavot yarmarkasida 1 mlrd $ lik shartnomalar imzolandi

Bugungi kunda mahalliy meva-sabzavot ishlab chiqaruvchilar uchun xorijiy qayta ishlovchi va riteyl kompaniyalari katta qiziqish uyg‘otmoqda.

Mahalliy ishlab chiqaruvchilar va xorijiy ishtirokchilar o‘rtasida kooperatsiya aloqalarini o‘rnatish maqsadida "O‘zekspotsentr" MVK pavilonlarida "muzokara maydonchalari" ishlaydi, bunda tovar yetkazib beruvchilar xorijiy savdo kompaniyalari, xususan xarid qilish bo‘yicha qaror qabul qiluvchi mutaxassislar bilan to‘g‘ridan-to‘g‘ri muzokaralar olib borish mumkin.

Yangiliklar lentasi
0