TOShKENT, 26 dek — Sputnik. Rossiya prezidenti Vladimir Putin Bugun Sankt-Peterburgda bo‘lib o‘tadigan KXShT va YeOII Oliy kengashi (YeOOK) sammitlarida ishtirok etadi, deb xabar qilmoqda Kreml matbuot xizmati.
“YeOOKuchrashuvi davomida Armaniston, Belorussiya, Qozog‘iston, Qirg‘iziston va Rossiya rahbarlari YeOIIning ikki yillik faoliyati natijalarini qayd kilishadi va tashkilotning kelajakda rivojlanish yo‘nalishlarini belgilab olishadi. Sammitning asosiy mavzusi – YeOIIning Bojxona kodeksini imzolash bo‘ladi”, — deb xabar qilmoqda Kreml matbuot xizmati.
Sammitda, shuningdek bir qator muhim hujjatlar qabul qilish rejalashtirilgan. Ular Yevroosiyo Iqtisodiy ittifoqi hududida yagona mahsulotlar va xizmatlar
Matbuot xizmati xabariga ko‘ra, KXShT sammiti doirasida Armaniston, Belorussiya, Qozog‘iston, Qirg‘iziston, Rossiya va Tojikiston rahbarlari tashkilotning kundalik faoliyatini ta’minlash va ittifoqchilik munosabatlarining muhim jihatlarini muhokamam qilishadi. Shuningdek, global va regional voqealar kundaligi bo‘yicha, jumladan xalqaro terrorchilik, ekstremizm, noqonuniy qurol-yarog‘ savdosiga qarshi kurash borasida ham fikr almashish rejalashtirilgan.
Ostona — Suriya muzokaralari o‘tkazish uchun yangi maydon
Biroz oldin, Vladimir Putin, Suriyada tinchlik o‘rnatish masalasi bo‘yicha Turkiya rahbari Toyyip Erdo‘g‘on bilan Ostonada muzokaralar o‘tkazish haqida kelishib olganinii xabar bergan edi. Ushbu muzokaralar, Rossiya prezidenti fikriga ko‘ra, Jeneva muzokaralarining davomi bo‘lib ularni to‘ldirishi mumkin. Ushbu taklifga Qozog‘iston prezidenti Nazarbayev ham rozi bo‘lgan edi.
OAV xabariga ko‘ra Ostonadagi muzokaralarda Suriya hukumati va qurollangan muxolifat vakillari ishtirok etadi. Suriya muxolifati tomonidan Ar-Riyodda tashkil etilgan “Muzokaralar Oliy qo‘mitasi” vakillari ishtirok etishi nazarda tutilmagan. Ostona muzokaralarining aniq sanasi hozircha belgilangani yo‘q.
Rossiya, Qozog‘iston va Turkiya rahbarlari orasidagi Ostona muzokaralari tashkil qilish borasida dastlabki muhokama telefon orqali yakshanba kuni bo‘lib o‘tdi.
Rossiya – Qozog‘iston munosabatlari
Ma’lumki, ushbu ikki davlat munosabatlari bir-biriga chambarchas bog‘liq. 2016-yil davomida ikki davlat rahbarlari besh marta uchrashishgan edi. Bugungi uchrashuv esa oltinchisi bo‘lishi kerak.
Rossiya Qozog‘iston hamkorligining asosini yonilg‘i-energetika majmuasi tashkil qiladi. Ikki mamlakat energetika sohasi yonma-yon hamkorlik qilmoqda. Atom energetikasi sohasida Qozog‘istondagi uran konlardan birgalikda foydalanilmoqda. Neft-gaz sohasida Qozog‘iston nefti Rossiya hududi orqali eksport qilinmoqda. Qozog‘iston gazini sotib olish, Kaspiy dengizidagi loyihalar marketing va eksport masalalari ham Rossiya bilan hamkorlikda olib borilmoqda.
Undan tashqari kosmos sohasida ham hamkorlik davom etmoqda: Rossiya Qozog‘istondan “Baykonur” kosmodromini ijara muddatini 2050-yilga qadar uzaytirdi.
