Shavkat Mirziyoyev va Vladimir Putin Jizzaxdagi AES qurilishini boshlab berdi
© Press-slujba prezidenta Uzbekistana
Obuna bo‘lish
Jizzax viloyatida integratsiyalashgan AESning birinchi energiya blokini qurish ishlari boshlandi.
TOShKENT, 5-iyun — Sputnik. O‘zbekiston prezidenti Shavkat Mirziyoyev va Rossiya prezidenti Vladimir Putin O‘zbekistonda integratsiyalashgan atom elektr stansiyasining birinchi energiya blokini qurish ishlariga start berdilar.
Marosimda teleko‘prik orqali Xalqaro atom energiyasi agentligi (XAEA) bosh direktori Rafael Grossi ham ishtirok etdi.
Shavkat Mirziyoyev i Vladimir Putin dali start nachalu stroitelstva AES v Uzbekistane
© Press-slujba prezidenta Uzbekistana
Davlat rahbari Vladimir Putin va Rafael Grossiga ushbu loyihaning ro‘yobga chiqarilishini shaxsan qo‘llab-quvvatlaganlari va ko‘rsatilgan e’tibor uchun minnatdorlik bildirdi. Mamlakatda birinchi atom elektr stansiyasini barpo etishda ishtirok etayotgan O‘zbekiston va Rossiya mutaxassislariga birgalikdagi sa’y-harakatlar va yuksak professionallik uchun alohida tashakkur aytildi.
“Bugun biz nafaqat infratuzilma loyihasining navbatdagi bosqichini boshlaymiz, balki tarixiy voqeaning ishtirokchilarimiz. Biz mamlakatimizning texnologik, sanoat va ilmiy rivojlanishining yangi bosqichini boshlaymiz. O‘zbekistonda biz uchun yangi soha – zamonaviy atom energetikasi – yuksak ilmiy imkoniyatlar, ilg‘or muhandislik kompetensiyalari va kelajakning strategik qarashlari ramzi bo‘lgan sohani rivojlantirish asoslari yaratilmoqda”, - dedi Mirziyoyev.
Loyiha kichik modulli atom generatsiyasi hamda yirik hajmli energetika sohasidagi eng so‘nggi yutuqlarni o‘zida mujassam etgan.
Shavkat Mirziyoyev i Vladimir Putin dali start nachalu stroitelstva AES v Uzbekistane
© Press-slujba prezidenta Uzbekistana
O‘zbekiston yetakchisi xavfsizlik loyihaning mutlaq va so‘zsiz sharti ekanini alohida ta’kidladi. Stansiyani qurish va uni ekspluatatsiyaga tayyorlash ishlari eng zamonaviy xalqaro standartlar, ilg‘or muhandislik yechimlari asosida hamda Xalqaro atom energiyasi agentligining doimiy nazorati ostida bajarilmoqda.
Shavkat Mirziyoyev i Vladimir Putin dali start nachalu stroitelstva AES v Uzbekistane
© Press-slujba prezidenta Uzbekistana
“Ishonchim komilki, O‘zbekistonda zamonaviy integratsiyalashgan atom elektr stansiyasi qurilishini muvaffaqiyatli amalga oshirish O‘zbekiston-Rossiya munosabatlarini yanada mustahkamlashga, keng qamrovli strategik sheriklik va ittifoqchilikka xizmat qiladi, mamlakatlarimizning barqaror rivojlanishiga xizmat qiladi”, - deya ta’kidladi O‘zbekiston rahbari.
Putin O‘zbekistonda AES qurilishini mamlakatning Rossiya bilan hamkorligining yorqin namunasi deb atadi.
Shavkat Mirziyoyev i Vladimir Putin dali start nachalu stroitelstva AES v Uzbekistane
© Press-slujba prezidenta Uzbekistana
Rossiya prezidenti ushbu loyiha respublika va umuman mintaqaning energiya xavfsizligini mustahkamlashga haqiqiy hissa qo‘shishini ta’kidladi.
Putinning so‘zlariga ko‘ra, AES ishga tushirilgandan so‘ng Rossiya elektr stansiyasining butun hayot aylanishini qo‘llab-quvvatlaydi. Shuningdek, O‘zbekistonga stansiya uchun malakali kadrlar tayyorlashda ham yordam beradi.
“So‘zim yakunida barchangizni bunday muhim ikki tomonlama loyihani ishga tushirish bilan samimiy tabriklab, O‘zbekistonda AES qurilishi ishtirokchilariga muvaffaqiyatlar, eng ezgu tilaklarimni bildirib qolaman”, - dedi Rossiya prezidenti.
