O‘zbekiston va Hindiston yoshlar o‘rtasidagi hamkorlikni yangi bosqichga olib chiqmoqchi
13:16 19.02.2025 (yangilandi: 17:00 20.02.2025)
© Getty Images / Oleksii LiskonihFlagi Uzbekistana i Indii

© Getty Images / Oleksii Liskonih
Obuna bo‘lish
Hamkorlik hujjatini O‘zbekiston elchisi Sardor Rustamboyev va Hindiston yoshlar ishlari va sport vazirining o‘rinbosari Mita Rajivlochan imzoladi.
TOShKENT, 19 fev — Sputnik. Dehlida O‘zbekiston Yoshlar agentligi hamda Hindiston Yoshlar ishlari va sport vazirligi o‘rtasida anglashuv memorandumini imzolandi, deya xabar berdi "Dunyo" AA.
Hamkorlik hujjatini O‘zbekiston elchisi Sardor Rustamboyev va Hindiston yoshlar ishlari va sport vazirining o‘rinbosari Mita Rajivlochan imzoladi.
“Memorandum O‘zbekiston va Hindiston o‘rtasida izchil rivojlanayotgan ko‘p tomonlama aloqalar doirasida yoshlar ishlari va sport sohalaridagi munosabatlarni yangi pog‘onaga olib chiqishni nazarda tutadi”, — deyilgan xabarda.
Mita Rajivlochan O‘zbekiston va Hindiston yoshlari o‘rtasidagi do‘stlik va hamkorlik aloqalari tarixida yangi bob ochish fursati kelganini aytdi.
"Xalqlarimizning tarixi, qadriyatlari va madaniy ildizlari bir-biriga mushtarak va tutash. O‘sib kelayotgan yosh avlod ushbu azaliy rishtalarning davomchilaridir. Shu nuqtayi nazardan, mamlakatlarimizning yoshlar siyosatiga mas’ul tashkilotlari tomonidan imzolangan hujjat ikki tomon uchun birdek muhim va ahamiyatlidir", — dedi u.
Tomonlar quyidagilarga kelishib olishdi:
memorandumini hayotga tadbiq etishga qaratilgan "yo‘l xaritasi"ni ishlab chiqish;
yoshlar delegatsiyalari muntazam almashinuvini yo‘lga qo‘yish;
ta’lim, madaniyat, sport va boshqa yo‘nalishlarda qo‘shma tadbirlar o‘tkazish;
yoshlarning startaplar amalga oshirishga qaratilgan intilishlarini o‘zaro qo‘llab-quvvatlash.