TOShKENT, 31 okt - Sputnik. AQSh kongressi vakillar palatasining tashqi ishlar bo‘yicha qo‘mitasi Rossiyaning “Katta yettilik” uchrashuvlarida ishtirok etishiga qarshi qaror qabul qildi. Bu haqda RIA Novosti hujjat mualliflaridan biri bo‘lgan kongressmen Albio Sayres so‘zlariga tayangan holda xabar qilmoqda.
Hujjatda yozilishicha, Rossiya “o‘z qo‘shnilari hududiy yaxlitligini hurmat qilib, demokratik jamiyat meyorlariga amal qilmagunga qadar” G7᾽ga qo‘shilmasligi kerak.
“Katta yettilik” tarkibiga Germaniya, AQSh, Kanada, Yaponiya, Fransiya, Buyuk Britaniya va Italiya kiradi.
1998 yil Rossiya ham unga a’zo bo‘lgan edi, biroq 2014 Qrim qaytarilgandan so‘ng klub a’zolari Sochidagi sammitga kelishdan bosh tortishgan. “Katta sakkizlik” yana “Katta yettilik”ka aylangan.
Avvalroq Donald Tramp Vladimir Putinni 2020-yilda AQShda bo‘lib o‘tishi rejalashtirilgan G7 sammitiga taklif qilishni va’da qilgan edi. Uning fikriga ko‘ra, ko‘plab xalqaro masalalarni Rossiya bilan muhokama qilish kerak.
Keyinchalik Fransiya prezidenti Emmanuel Makron “Katta yettilik”ka a’zo mamlakatlar oxirgi sammit chog‘ida Rossiyani klubga taklif qilish masalasi borasida kelishuvga erisha olmaganliklarini ma’lum qilgan edi.
O‘z navbatida Vladimir Putin Moskva muloqotga tayyorligini bildirgan va “Katta sakkizlik” formatining qayta tiklanishini istisno qilmagan. Biroq bu Rossiyaning ko‘zda tutgan maqsadi emas.
