Toshkentlik tadbirkor TATU hududida miting o‘tkazdi

© Press-slujba prezidenta RUzTashkentskiy universitet informatsionnix texnologiy
Tashkentskiy universitet informatsionnix texnologiy - Sputnik O‘zbekiston
Obuna bo‘lish
Universitetda faoliyat yuritayotgan xodimlar, talabalar ushbu "namoyish"ni keskin qoralamoqda

TOShKENT, 6 sen - Sputnik. Muhammad al-Xorazmiy nomidagi Toshkent axborot texnologiyalari universiteti (TATU) rahbariyati to‘rtinchi sentabr kuni o‘z hududida kanselyariya mollarini sotuvchi xususiy tadbirkor A.T.Abduvaxidov va uning 5 nafar oila a’zolari tomonidan qonunga zid ravishda o‘tkazilgan miting to‘g‘risida tushuntirish berdi, deb xabar bermoqda Sputnik O‘zbekiston muxbiri.

Elmira Basitxanova, zamestitel ministra zdravoxraneniya - Sputnik O‘zbekiston
Elmira Bositxonova Nukusda namoyish o‘tkazgan ayollarning muammolarini o‘rgandi

Ma’lum bo‘lishicha, tadbirkorga 2018-yilda TATU yo‘laklari va o‘tish joylarida qog‘oz va turli kanselyariya tovarlari bilan savdo qilish, kserokopiya va shu kabi ishlar bilan shug‘ullanishga ruxsat berilgan. 2019 yilning iyunida tadbirkorga universitet hududidan joy taklif qilingan, ammo unga yo‘laklarda savdo qilish yoqib qolgani tufayli, u bu taklifni e’tibordan chetda qoldirgan.

2018-2019 o‘quv yilida universitet rahbariyati berilgan taklifni rad etgani uchun tadbirkor bilan ijara shartnomasini imzolamagan.

Shundan so‘ng Abduvaxidov o‘z oila a’zolari bilan universitet rektori qabulxonasiga ruxsat etilmagan holda "bostirib" kirib, u yerda to‘polon ko‘targan. Uning farzandlari mazkur jarayonni o‘zlarining qo‘l telefonlariga video tarzida tasvirga tushirdi va ijtimoiy tarmoqlarga, kerak bo‘lsa Ozodlik, Amerika ovozi, Bi-Bi-Si kanallariga berishlarini ta’kidlaganlar.

Politsiya Kazaxstana zaderjivayet protestuyushix prostiv avtoritarno rejima i dosrochnix prezidentskix viborov vo vremya oppozitsionnogo mitinga v  Alma-Ate - Sputnik O‘zbekiston
Qozog‘istondagi XXR elchisi Xitoyga qarshi miting ortida kim turganini biladi

So‘ngra ular universitet binosi oldiga chiqib, plakatlar ko‘tarib "namoyish" uyushtirishgan hamda universitet faoliyatiga oid, ya’ni "o‘qish sifati past" kabi gaplarni oliygoh hovlisida talabalar e’tiborini tortadigan darajada baland ovozda baqirib aytgan va jamoat tartibini buzdilar.

Universitet tadbirkor A.T.Abduvaxidovning ushbu hatti-harakati O‘zbekiston Respublikasining amaldagi soliq qonunchiligi va tadbirkorlik faoliyatini tartibga solish to‘g‘risidagi tegishli qonunchilik normalariga zid keladi, deb hisoblaydi.

Shu bilan birga tadbirkor A.T.Abduvaxidov va uning oila a’zolari Muhammad al-Xorazmiy nomidagi Toshkent axborot texnologiyalari universiteti va uning rahbariyati sha’niga, putur yetkazgan, deb biladi.

Universitetda faoliyat yuritayotgan xodimlar, talabalar ushbu "namoyish"ni keskin qoralamoqda.

Yangiliklar lentasi
0