Samarqandda yoshlar oʻrtasida jinoyatchilik foizi kamaydi

© fotoliaSimvolы zakona i pravosudiya
Simvolы zakona i pravosudiya - Sputnik Oʻzbekiston
Obuna boʻlish
NovostiTelegram
2018 yilda Samarqand viloyatida umumiy jinoyatlar soni 2017 yilga nisbatan 32,2 %ga kamaygan.

TOSHKENT, 29 yanv - Sputnik. Samarqandda oʻtgan yil yoshlar ikkita qotillik jinoyati sodir etgan, deb xabar qildi Samarqand viloyati hokimligi matbuot-xizmati.

Press-konferentsiya MVD RUz - Sputnik Oʻzbekiston
Jamiyat
Oʻzbekiston IIV respublikada jinoyatchilik keskin kamaygani haqida bayonot berdi

2018 yilda Samarqand shahri yoshlari tomonidan 6ta ogʻir tan jarohati yetkazish, 2 ta nomusga tegish, 70 ta oʻgʻirlik, 8 ta talonchilik, 1 ta bosqinchilik, 70 ta firibgarlik, 3 ta tovlamachilik, 15 ta bezorilik, 3 ta transport vositasini olib qochish jinoyatlari  sodir etilgan.

Ushbu koʻrsatkichlar oʻtgan yilga nisbatan kamaygan.

Samarqand shahar hokimligi, viloyat xalq taʼlimi, kasb-hunar taʼlimi boshqarmalari, oliy oʻquv yurtlari va yoshlar ittifoqi masʼul xodimlari oʻtgan yilgi koʻrsatkichlarni tahlil etib, joriy yilda amalga oshirilishi lozim boʻlgan ishlar haqida oʻz taklif va mulohazalarini bildirganlar.

Shuningdek, tadbirda "Yoshlar – kelajagimiz" davlat dasturi doirasida yoshlarning bandligini taʼminlash, shahardagi tungi klub va internet kafelar faoliyatini tartibga solish, oʻquvchi va talaba yoshlarning ijtimoiy tarmoqlardan toʻgʻri maqsadlarda foydalanish koʻnikmasini shakllantirish, shahar hokimligi huzuridagi voyaga yetmaganlar ishlari boʻyicha komissiyasi ishini jonlantirish lozimligi taʼkidlangan.

Prezident Uzbekistana Shavkat Mirziyoyev - Sputnik Oʻzbekiston
Jamiyat
Prezident voyaga yetmaganlar orasida jinoyatchilik ortganligi uchun rahbarlarga tanbeh berdi

Hokimlik xabariga koʻra, 2018 yilda Samarqand viloyatida umumiy jinoyatlar soni 2017 yilga nisbatan 32,2 %ga kamaygan. Jumladan, qasddan odam oʻldirish va suiqasd qilish 26,2 foizga, qasddan badanga ogʻir shikast yetkazish 35,6 %ga, nomusga tegish yoki suiqasd qilish 24,9 %ga, talonchilik 67  %ga, bosqinchilik 26,7 %ga, tovlamachilik 55,8 %ga, oʻgʻirlik 36,8 %ga, bezorilik 53 %ga, odam savdosi 83,3 %ga va poraxoʻrlik 54,6 %ga kamaygan.

Oʻtgan  yilda jinoyat ishlari boʻyicha Samarqand viloyat, tuman va shahar sudlari tomonidan 5324 nafar shaxsga nisbatan 4261 ta jinoyat ishlari koʻrib chiqildi. Shundan 3982 nafar shaxsga nisbatan 3059 ta ishlar boʻyicha ayblov va oqlov hukmi chiqarilgan boʻlsa, 1342 nafar shaxslarga nisbatan 1202 ta jinoyat ishlari tugatilgan. 1179 ta jinoyat ishi taraflarning yarashganliklari munosabati bilan Jinoyat kodeksining 661-moddasiga asosan tugatilib, 1323 nafar shaxs jinoiy javobgarlikdan ozod qilingan.

Shuningdek, 2142 ta jinoyat ishlari sayyor sud majlislarida koʻrib chiqildi. Jinoyat sabablari va uning sodir etilishiga imkon bergan shart-sharoitlarni bartaraf qilish masalalari yuzasidan 2016 ta xususiy ajrimlar chiqarilib, muhokama qilish uchun tegishli korxona, muassasa va tashkilotga yuborilgan.

Jinoyat ishlarini sudda koʻrishda jamoatchilikni jalb qilgan holda, mahalla, yoshlar ittifoqi, xotin-qizlar kengashi vakillarini jamoat himoyachisi sifatida ishtiroki taʼminlanib, mahalla fuqarolar yigʻinlari kafilligi asosida 40 nafar shaxsga, xotin-qizlar kengashi kafilligi asosida 10 nafar shaxsga va yoshlar ittifoqi kafilligi asosida 52 nafar (jami 102 nafar) shaxslarga nisbatan ozodlikdan mahrum qilish bilan bogʻliq boʻlmagan jazolar tayinlandi.

Yangiliklar lentasi
0