TOShKENT, 27 dek — Sputnik. Turizmni rivojlantirish davlat qo‘mitasi "O‘zbekiston bo‘ylab sayohat qil!" dasturi doirasida xorazmliklarni Qoraqalpog‘istonga sayohatga chorlamoqda.
Ichki turizm dasturining yangi yo‘nalishi Turizmni rivojlantirish davlat qo‘mitasi, Qoraqalpog‘iston Respublikasi Madaniyat vazirligi hamda Nukus shahar, Beruniy, Ellikqal’a, Xo‘jayli tuman hokimliklari hamkorlikda ishga tushirilayotgani qayd etilgan.
Qayd etilishicha, shu maqsadda, ichki sayyohlar qulayliklari uchun maxsus avtobus va mikroavtobuslar xizmat ko‘rsata boshlagan. 26-dekabr kuni Xorazmdan to‘rtinchi sayyohlar guruhi Qoraqalpog‘istonga yo‘l olgan. Ushbu yangi yo‘nalishdagi sayohatlar mart oyiga qadar davom etib, bir kunlik va ikki kunlik turlar tanlovi mavjud bo‘ladi.
Xorazmlik mehmonlarga Xorazm viloyati va Qoraqalpog‘iston Respublikasida turizm sohasida faoliyat yuritayotgan yetakchi turoperatorlar tomonidan arzonlashtirilgan narxlarda mehmonxona, avtotransport, ovqatlanish, hamroh gidlar xizmatlarini ko‘rsatish ta’minlanmoqda.
Sayyohlarni ovqatlanishlari uchun Meridian, Neo, Palvan Shakh, Karat, Sardoba, Elita, 1001 noch, Merlion, Las Vegas, Armada, Millan, Bodrum, Safari, Otabek Kumush restoranlari, Gold Millennium banket zali tunu kun xizmatda bo‘lishi qayd etilgan.
Ikki kunlik ekskursiya ishtirokchilari Qoraqalpog‘istonning quyidagi eng yaxshi mehmonxonalarida tunab qolishlari mumkin.
Tashkilotchilar tomonidan ma’rifiy ekskursiyalar bilan bir qatorda madaniy xordiqni ta’minlaydigan tadbirlar ham tashkil etilmoqda.
Ya’ni, xorazmlik sayyohlar Berdaq nomidagi akademik-musiqiy davlat teatrida "Edige", "Berdaq", "Alpomish" nomli sahnalashtirilgan teatrlar va Opera va balet, Qoraqalpog‘iston Respublikasi davlat qo‘g‘irchoq teatrida "Shag‘ala", "Chavandoz" kabi folklor-etnografik ansambli hamda "Amu to‘lqinlari" folklor ansambli chiqishlaridan baxramand bo‘lishlari mumkin.
