Ashraf G‘ani 400-yildan keyin odamlar o‘zi va Mirziyoyev haqida nimalar deyishini aytdi

© Fotoxost-agentstvo / Mediabankka o‘tishPrezident Islamskoy Respubliki Afganistan Ashraf Gani Axmadzay
Prezident Islamskoy Respubliki Afganistan Ashraf Gani Axmadzay - Sputnik O‘zbekiston
Obuna bo‘lish
Afg‘oniston prezidenti Ashraf G‘ani "Ko‘ksaroy"da OAV vakillari bilan uchrashuvi chog‘ida O‘zbekiston prezidenti Shavkat Mirziyoyev bir yillik faoliyati davomida juda katta ishlarni amalga oshirganini qayd etdi

TOShKENT, 5 dek — Sputnik, Dilshoda Rahmatova. Afg‘oniston prezidenti Ashraf G‘ani "Ko‘ksaroy"da OAV vakillari bilan uchrashuvi chog‘ida O‘zbekiston prezidenti Shavkat Mirziyoyev bir yillik faoliyati davomida xalq manfaatlari yo‘lida juda katta ishlarni amalga oshirganini qayd etdi.

Vstrecha Shavkata Mirziyoyeva i Ashrafa Gani - Sputnik O‘zbekiston
"Navoiydan bir bayt": Afg‘oniston prezidenti o‘z nutqini o‘zbek tilida boshladi
"Buyuk o‘zbek xalqi sizni o‘ziga sardor etib saylaganiga bir yil to‘ldi. Bu sana bilan sizni muborakbod etaman", — dedi nutqi davomida Afg‘oniston rahbari va Mirziyoyev o‘tgan bir yil davomida Afg‘oniston bilan o‘zaro munosabatni yangi bosqichga chiqarganini qo‘shimcha qildi.

O‘z nutqini o‘zbek tilida boshlagan Ashraf G‘ani jurnalistlarga Navoiy ijodidan bir bayt o‘qib berdi:

Odami ersang, demagil odami

Oni-kim, yo‘q xalq g‘amidin g‘ami.

Afg‘oniston prezidenti bu baytni bejizga tanlamadi. Bu bilan u har bir rahbar xalq dardi bilan yashashi kerak, demoqchi bo‘ldi.

Ashraf G‘ani o‘z nutqi davomida O‘zbekiston prezidenti yuksak minbarlardan turib afg‘on xalqi taqdiri haqida kuyinib gapirgani, Afg‘onistondagi mojarolarni faqat tinchlik yo‘li bilan hal etish va uning iqtisodini yuksaltirishga doir tashabbuslarini alohida e’tirof etib, afg‘on xalqi buni o‘z yuragiga yaqin qabul qilganini aytdi.

Podpisanie dokumentov - Sputnik O‘zbekiston
O‘zbekiston va Afg‘oniston orasida imzolangan hujjatlar ro‘yxati

"Bugungi imzo chekilgan hujjatlar davlatlararo hamkorlikning mustahkam poydevorini yasadi", — dedi ishonch bilan Ashraf G‘ani.

2018 yil ushbu hujjatlarni to‘xtovsiz, charchoqsiz amalga oshirish yili bo‘lsin, deya taklif kiritdi u.

"Munosabatlarimizdagi bir asrlik tanaffusdan keyin yangi bosqichlarni tezlikda zabt etishimiz talab qilinadi. Avlodlarimiz 400-yildan keyin "Mirziyoyev va Ashraf G‘ani o‘z xalqlari qo‘llab-quvvatlashida ikki mamlakat tarixida yangi sahifalarini yozdi" deya tilga olsin", — dedi Afg‘oniston prezidenti va o‘z nutqini "Yashasin O‘zbekiston! Yashasin o‘zbek-afg‘on do‘stligi", degan gaplar bilan yakunladi.

Yangiliklar lentasi
0