TOShKENT, 26 okt — Sputnik. Moskva va Butun Rus cherkovlari patriarxi Kirill umumiy cherkov yig‘ilishida, Rus pravoslav cherkovi Moskvada uy va yo‘llarni qurilish ishlarini bajarish maqsadida ishchi kuchi yetishmayotganligi sababli xorijiy ishchi muhojirlarni taklif qilish kerakligini yaxshi tushunishini ma’lum qildi. Sputnik Tojikiston xabariga asosan.
"Mamlakatimizda mutaxassislar, jamoatchilik vakillari o‘rtasida demografiya masalasi yanada dolzarb bo‘lmoqda. Rossiya juda ulkan hudud, uni o‘zlashtirish kerak va ishlash kerak. Lekin buning uchun ishchi kuch esa yetishmayapti", — dedi Kirill.
Patriarx so‘zlariga ko‘ra, Moskvada qayta yangilash dasturi bo‘yicha ko‘plab uylar, yo‘llar, ko‘priklar qurish ishlari olib borilmoqda. Barcha ishlar moskvaliklar tomonidan qilinmayapti.
"Ular pravoslav kishilar emas. Lekin "gastarbayter" deb ataladiganlarni taklif qilmasdan turib, barcha ishlarni bajarish imkoniyati yo‘qligini to‘g‘ri tushunamiz", — dedi u.
Sal ilgariroq "Rossiya segodnya" xalqaro axborot agentligida "Agressiv ksenofobiya va ekstremistik amaliyotlari davlat va jamiyat uchun tahdidi" mavzusida davra suhbati o‘tkazildi.
Unda Rossiya musulmonlar kengashi raisi, Rossiya Jamoatchilik palatasi a’zosi Albir Krganov Tojikistondan kelgan muhojirlarning radikalizatsiyasi haqida o‘z fikrlarini bergandi.
"Agarda o‘z vaqtida kerakli choralar ko‘rilmasa, Rossiyadan ko‘pchilik tojikistonlik muhojirlarini deportatsiya qilishga majbur bo‘linadi", — deb ta’kidladi Krganov.
Uning fikriga ko‘ra, ushbu zarur yo‘nalishda kam harakatlar qilinmoqda.
