TOShKENT, 20 sen — Sputnik. 19 sentabr kuni Nyu-York shahridagi BMT Bosh qarorgohida o‘z ishini boshlagan Bosh Assambleyasida nutq so‘zlagan O‘zbekiston prezident Shavkat Mirziyoyev qo‘shni Afg‘oniston muammosiga to‘xtalib o‘tdi. RIA Novosti xabariga asosan.
"Afg‘onistonda tinchlikka erishishning yagona yo‘li — markaziy hukumat va mamlakat ichidagi asosiy siyosiy kuchlar o‘rtasida oldindan hech qanday shart qo‘ymasdan, to‘g‘ridan-to‘g‘ri muloqot olib borishdir", — dedi Shavkat Mirziyoyev.
Bu borada Mirziyoyev AQSh prezidenti janob Donald Tramp ma’muriyatining Afg‘oniston bilan qo‘shni mamlakatlarga yo‘naltirilgan, afg‘on muammosini tinch yo‘l bilan hal qilish da’vatini qo‘llab-quvvatlashini ma’lum qildi.
"Muzokaralar afg‘onistonliklarning o‘zlari hal qiluvchi o‘rin tutadigan holda, Afg‘oniston hududida va BMT shafeligida o‘tishi lozim. Donishmand afg‘on xalqi o‘z taqdirini o‘zi mustaqil hal qilishga haqlidir", — deb ta’kidladi Mirziyoyev.
Eslatib o‘tamiz, Afg‘onistonda vaziyat oxirgi oylarda keskin yomonlashdi. Mamlakatning qishloq hududlarini zabt etgan "Tolibon" harakati endi yirik shaharlarga hujumga o‘tdi. Mamlakat hududida o‘tgan yillarga nisbatan "Islom davlati" terrorchilik uyushmasi ta’siri o‘n baravarga ortdi.
BMT ma’lumotlariga ko‘ra, faqat oxirgi uch oy ichida Afg‘onistonda tinch aholining 715 nafari halok bo‘lgan va 1,5 mingga yaqini jabrlangan.
