“Mehr va oqibat” Toshkentda delfinariy ochilishiga qarshi

© Sputnik / Mixail Mokrushin / Mediabankka o‘tishDelfinariy v Sevastopole
Delfinariy v Sevastopole - Sputnik O‘zbekiston
Obuna bo‘lish
Tor va sayoz sun’iy suv havzasi delfinlar uchun shafqatsiz qamoqxona. U yerda delfinlar dengizdagidan ko‘ra 6 baravar kam yashaydi, lekin odamlarning bundan xabari yo‘q.

TOShKENT, 17 sen – Sputnik. “Toshkentda delfinariy ochilishi haqidagi xabarni eshitib dahshatga tushdik”, deb yozadi “Mehr va Oqibat” hayvonlarni himoya qilish nodavlat jamiyati a’zolari Feysbukda.

“Delfinlarni haqiqatdan ham yaxshi ko‘rsangiz Toshkentda delfinariy ochmang, ushbu xabarni barchaga tarqating”, — deyilgan hayvonlarni himoya qilish jamiyati xabarida.  

Odamlar delfinariy deganda, ko‘m ko‘k suvda suzib yurgan baxtli delfinlar va ular bilan suzayotgan bolalarni va shunga o‘xshash ijobiy narsalarni ko‘z oldilariga keltirishadi. Aslida esa har qanday basseyn, delfinariy delfinlar uchun haqiqiy qamoqxona va qiynovdir.

Delfinariy - Sputnik O‘zbekiston
Toshkent markazida delfinariy va dunyo mo‘’jizalari joylashgan park quriladi

Mana oddiy faktlar, xulosa o‘zingizdan:

Tabiiy sharoitda, dengizda  

Delfinlar 3-10  nafar bo‘lib, oilaviy yoki 80-100 nafarli to‘dalarda yashaydi. Har bir delfin kuniga o‘rtacha 150 km masofa suzib o‘tadi. Har bir delfin o‘rtacha 80 kv. kilometr hududda erkin yashaydi. Tabiiy sharoitda delfinlar o‘rtacha 30-yil umr ko‘radi.

Delfinariyda

Odatda delfinariylarda tabiiy dengiz suvi emas, sun’iy sho‘rlangan suvdan foydalaniladi. Delfinlar bor yo‘g‘i 80-300 kvadrat metr hududda yashashga majbur. Tor va sayoz (o‘rtacha 1.8 m) sun’iy basseynda delfinlarning tabiiy exolokatori ishlamaydi, suvga solingan turli ximikatlar tufayli delfinlar ko‘zini ochishga  qiynaladi va tez tez boshi bilan basseyn devoriga uriladi. BMT statistik ma’lumotiga ko‘ra, delfinariylarida delfinlar o‘rtacha 5,3 yil umr ko‘rar ekan.

#Ozorberma sotsialnaya aksiya - Sputnik O‘zbekiston
"Inson bo‘l" #ozorberma ijtimoiy tadbiri boshlandi

Undan tashqari, delfinlarga turli nomer va truklar o‘rgatish maqsadida ularni och saqlashadi va o‘rgana olmagan delfinlarni jazolashadi.

Albatta maydoni bir necha gektar bo‘lgan, dengiz qirg‘og‘ida joylashgan delfinariylar ham bor, lekin aksariyat delfinariylar unaqa emas. Ko‘p odamlar sun’iy suv havzalarida delfinlar qanday og‘ir sharoitlarda yashayotganini tasavvur ham qila olmaydi.

Delfinariy – bu yaxshi biznes. Odamlar o‘z farzandini delfinlar ishtirokidagi tomoshaga, yoki delfinldar bilan suzishga olib borgisi keladi va buning uchun pulni ayamaydi.

 

Yangiliklar lentasi
0