O‘zbekistonga import qilinadigan go‘sht, un, yem-xashak narxlari arzon bo‘ladi - prezident qarori

Obuna bo‘lish
O‘zbekiston prezidenti 15-avgust kuni "O‘zbekiston Respublikasida tashqi iqtisodiy faoliyatni tartibga solish chora-tadbirlari to‘g‘risida"gi qarorni imzoladi

TOShKENT, 21 avg — Sputnik. O‘zbekiston prezidenti Shavkat Mirziyoyev 2017-yil 1-sentabrdan ayrim oziq-ovqat mahsulotlarini aksiz solig‘idan ozod qildi. Bu haqda Uznews.uz xabar berdi.

O‘zbekistonda oziq-ovqat mahsulotlari narxini bir meyorda ushlab turadigan jamg‘arma tuzildi

O‘zbekiston prezidenti 15-avgust kuni "O‘zbekiston Respublikasida tashqi iqtisodiy faoliyatni tartibga solish chora-tadbirlari to‘g‘risida"gi qarorni imzoladi.

Qaror talablariga ko‘ra 1-sentabrdan boshlab O‘zbekistonga olib kiriladigan go‘sht va yarim tayyor go‘sht mahsulotlari, parranda yog‘i, cho‘chqa yog‘i, bug‘doy uni va parranda boqish uchun yemlar aksiz solig‘idan ozod etilgan.

Shuningdek, qaror bilan 2017-yil 1-sentabrdan oziq-ovqat mahsulotlarning alohida turlari bo‘yicha bojxona to‘lovlari kamaytirildi: xususan, O‘zbekistonga import qilinadigan qoramol go‘shti, cho‘chqa go‘shti, cho‘chqa yog‘i, parranda yog‘i va boshqa go‘sht sub mahsulotlari, kofe, bug‘doy uni, shakarqamish shakariga import boji kamaytirildi. Shuningdek, o‘simlik yog‘i, shakar, kofe mahsulotlarining aksiz solig‘i kamaytirildi.

Masopererabativayushee predpriyatie APX Miratorg v Branskoy oblasti - Sputnik O‘zbekiston
O‘zbekistonga Polshadan katta miqdorda muzlatilgan go‘sht olib kelindi
Qaror bilan 2017-yil 1-sentabrdan ayrim mahsulotlar import bojidan ozod qilindi. Xususan, tadbirkorlar tomonidan O‘zbekistonga olib kiriladigan sarog‘, soya va o‘simlik yog‘lari, javdar uni, bug‘doyning qattiq va un yormalari, shakarqamish shakari, kakao, farmatsevtikada foydalaniladigan hom-ashyo va parrandalarni boqish uchun yemlariga import bojining "nol" stavkasi qo‘llaniladi.

Shuningdek, ayrim oziq-ovqatlarni yetishtirish urug‘lari (kartoshka, bug‘doy, maslin, javdari, arpa, makkajo‘xori, grechka, kungaboqar va boshqalar) import qilinganda bojxona bojini to‘lamaydi.

Ushbu prezident qarorini qabul qilinishi natijasida mahalliy mahsulotlarining tannarxini kamaytirish va raqobatbardoshligini oshirishga xizmat qiladi, shuningdek, bozorlarda oziq-ovqat mahsulotlarining narxlarini qimmatlashib ketishishi oldini oladi.

Yangiliklar lentasi
0