TOShKENT, 17-iyul — Sputnik. O‘zbekiston havo yo‘llari milliy aviakompaniyasining matbuot xizmati yo‘lovchilarni Belarus va Yevroosiyo iqtisodiy ittifoqi (Rossiya, Qozog‘iston, Belarus, Qirg‘iziston, Armaniston) hududiga yo‘lovchilar qo‘l yuki ichida fitosanitariya sertifikatisiz olib kirish taqiqlangan mahsulotlar to‘g‘risida bayonot berdi.
Xabarda aytilishicha, qo‘l yuki va bagaj ichida fitosanitariya sertifikatisiz ayrim karantin mahsulotlarni Belarus Respublikasi va Yevroosiyo iqtisodiy ittifoqi hududiga olib kirish taqiqlanadi.
Olib kirish taqiqlangan karantin osti mahsulotlar quyidagilar:
— madaniy va yovvoiy o‘simliklar urug‘lari;
— kartoshka va uning urug‘lari;
— ekiladigash mevalar, dekorativ, daraxt va butalar, gul va boshqa o‘simliklar, tuvak o‘simliklar, mevali buta,
— o‘simliklar va ularning qismlari (qalamchalar, ildizlar, ildizpoyalar, piyozboshi);
— tirik qo‘ziqorinlar, bakteriyalar, o‘simliklar kasaligini qo‘zg‘atuvchi viruslar;
— hasharotlar to‘plami, turli o‘simliklar gerbariylari va urug‘lari;
— uchtadan ortiq kesilgan gullar guldastasi;
— umumiy og‘irligi 5 kg ortiq bo‘lmagan fitosanitariya xavfi yuqori bo‘lgan o‘simliklar mahsulotlari (mevalar, sabzavotlar, yong‘oqlar, quruq mevalar, un, yormalar va boshqalar).
Ushbu taqiqlangan barcha mahsulotlar YeII hududiga olib kirilgan taqdirda belgilangan tartibda olib qo‘yilib, yo‘q qilinadi.
O‘zbekiston havo yo‘llari milliy kompaniyasi yo‘lovchilardan ushbu qoidalarga qat’iy amal qilishlari so‘ralgan.
