Videokameralar tufayli Toshkent yo‘llarida qurbonlar soni ikki marta qisqardi

TOShKENT, 15-may – Sputnik. Toshkent shahrida Yo‘l transport hodisalarni maxsus foto va video kuzatuv tizimi joriy etilishi natijasida yo‘l transport hodisalari 2 barobar qisqardi, deb xabar qildi "Podrobno" nashri.

Xususan, 2017-yil 15-martdan to bugungi kunga qadar 176 ta yo‘l transport hodisada 22 kishi xalok bo‘lgan va 206 kishi turli darajadagi jarohatlar olishgan. 2016-yilning shu davr mobaynida 256 ta yo‘l transport hodisalari qayd etilgan bo‘lib, buning oqibatida 42 kishi halok bo‘ldi va 295 kishi jarohatlandi.

Xabarda qayd etilishicha, video kuzatuv tizimi jami 98 307 ta qoidabuzarliklarni qayd etgan. Shulardan 53 116 ta svetofor qizil chiroqqa o‘tish holatlari, 45 191 ta tezlikni oshirish holatlari tashkil etadi.

Tez orada Samarqand shahrida ham yo‘l transport xodisalalarini maxsus foto va video qayd etish tizimi ishga tushiriladi. Hozirgi kunda shaharda tayyorgarlik ishlari olib borilmoqda.

Sal avval "Toshkent" telekanalida Poytaxt-Vaziyat teleko‘rsatuvida 3 ta eng ashadiy yo‘l harakati qoidabuzarliklar namoyish etilgan edi. Ushbu ko‘rsatuvda eng yuqori o‘rinni VAZ-2103 rusumli davlat raqami 10J506FA transport vositasi haydovchisi egalladi. U 32 marotaba chorrahalarda sfetoforda qizil chiroqqa haraqatlanib, natijada jami 9 mln. 435 ming so‘m jarima to‘lagan.

Eslatib o‘tamiz, 2017-yil 15-martdan boshlab Toshkentning 115 ta chorrahasida yo‘l transport xodisalarni maxsus foto va video kuzatuv tizimi ishga tushirilgan bo‘lib, jami 883 ta kuzatuv videokameralari o‘rnatildi. Hozirgi kunda ushbu tizimda Yo‘l harakati qoidalarining 2 turdagi buzilishini avtomatik qayd etish funksiyasi mavjud. Bular – avtotransport haydovchilarining belgilangan harakatlanish tezligini oshirishi va sfetoforning taqiqlovchi belgisida o‘tish.

Bizning Telegramdagi o‘zbekcha kanalimizga obuna bo‘ling va eng yangi xabarlarni birinchi bo‘lib o‘qing.