TOShKENT, 13-may — Sputnik. 16-may kunidan boshlab qoidabuzarlik bo‘yicha jarima to‘lamagan haydovchilarning avtomobillari jarima maydonchalariga jo‘natiladi, deb xabar bermoqda uz24.uz Toshkent IIBB boshlig‘i o‘rinbosari Doniyor Toshxo‘jayevning so‘zlariga asoslanib.
Xabarda bildirilishicha, ushbu chora faqat shahar chorrahalaridagi videokuzatuv kameralari tomonidan qayd etilgan qoida buzilishlariga nisbatan qo‘llaniladi.
Qoidabuzarlik sodir etgan avtomobil egasiga jarimani to‘lashi uchun 2 oy muhlat beriladi. Ushbu muddat ichida jarimani to‘lamagan yoki jarimaga norozilik bildirmagan haydovchining avtomobili IIBB YHXB tomonidan jarima maydonchasiga yuboriladi va jarimani undirish bo‘yicha amaliy chora ko‘riladi.
Bizning Telegramdagi o‘zbekcha kanalimizga obuna bo‘ling va eng yangi xabarlarni birinchi bo‘lib o‘qing.
