TOShKENT, 4-may — Sputnik. Joriy yil 30-aprel — 7-may kunlari o‘tkazilayotgan Boks bo‘yicha Osiyo chempionatida 9 nafar o‘zbekistonlik bokschilari yarim final baxslarida ringa ko‘tariladilar. Bu haqda respublika Boks Federatsiyasi ma’lum qildi.
Elnur Abduraimov (vazni 60 kg gacha) ikkinchi raunda texnik nokaut bilan indoneziyalik Farrand Papendang ustidan g‘alaba qozondi. Iqbol Xoldorov (vazni 64 kg gacha) ikkinchi raunda texnik nokaut bilan tayvaniyalik Xung-Minga Pana ustidan g‘alaba qozondi. Shaxram G‘iyosov (vazni 69 kg gacha) janubiy koreyalik Li Sonxe uchinchi raunda nokaut bilan mag‘lub etdi.
Isroil Madraimov (vazni 75 kg gacha) fillipinlik Yumilom Marsiala ustidan 5:0 hisobida g‘alaba qozondi. Bektemir Melikuziyev (vazni 81 kg gacha) huddi shunday hisobda tojikistonlik Shabos Negmatullayev ustidan g‘alaba qozondi. Baxodir Jalolov (vazni 91 kg gacha) ikkinchi raunda janubiy koreyalik Kim Duyenni nokautga uchratdi.
Hasanboy Do‘smatov — Amit (Hindiston), Jasurbek Latipov — Azamat Issakulov (Qozog‘iston), Murodjon Ahmadaliyev — Younhun Han (Janubiy Koreya), Elnur Abduraimov — Jun Shan (Xitoy), Iqboljon Xoldorov — Bekdavlat Ibragimov (Qozog‘iston), Shaxram G‘iyosov — Sajjad Kozimzodaposhtiri (Eron), Isroil Madrimov — Abilxan Amankul (Qozog‘iston), Bektemir Meliqo‘ziyev — Jabin Huan (Xitoy), Bahodir Jalolov — Muhammad Mulayes (Suriya) qarshi ringa chiqishadi.
Osiyo chempionatida Osiyo boks konfederatsiya (ASBC) 29 ta davlatdan 200 nafar bokschilar ishtirok etadi.
Musobaqada 10 komplekt medallar va 60 ta litsenziyalar o‘ynaladi. Shunday qilib, har bir vazn toifasidan 6 nafar eng yaxshi charm qo‘lqop ustalari Germaniyada (Gamburg) 23-avgust- 4-sentabr kunlari bo‘lib o‘tadigan 2017-yil — Jahon chempionatida ishtirok etish uchun tanlab olinadi.
Bizning Telegramdagi o‘zbekcha kanalimizga obuna bo‘ling va eng yangi xabarlarni birinchi bo‘lib o‘qing.
