O‘zbek militsiyasi 2018-yildan boshlab maxsus xonalarda tergov qiladi

TOShKENT, 1-may — Sputnik. O‘zbekiston prezidenti Shavkat Mirziyoyev "Jinoyatlarni ochish sohasida ichki ishlar organlari faoliyatini tubdan takomillashtirish chora-tadbirlari" to‘g‘risidagi qarorni tasdiqladi.

Hujjatda qayd etilishicha, kelgusi yilning 1-yanvaridan boshlab mamlakat ichki ishlar organlarida tergov stenografiyasi, videokuzatuv, shuningdek, tergov harakatlarining audio va videoqadlov tizimlari bilan jihozlangan maxsus xonalar yaratiladi.

Bundan tashqari, tergov o‘tkazilishi shaffofligini ta’minlash uchun 2018-yilning 1-yanvaridan boshlab Tergov departamenti va uning hudidiy bo‘linmalari o‘rtasida videoanjuman ko‘rinishidagi aloqa tizimi joriy etiladi.

Eslatib o‘tamiz, ilgariroq O‘zbekiston prezidenti Shavkat Mirziyoyev militsiya faoliyatini keskin tanqid ostiga olgan edi.

Bundan tashqari, O‘zbekiston IIV xabariga ko‘ra, bugundan boshlab, o‘zbekistonliklar militsiya xodimlarining noqonuniy xatti-harakatlari ustidan shikoyat qilishlari mumkin.

Ichki ishlar vazirligining Jismoniy-yuridik shaxslarning murojaatlari bilan ishlash va ish yuritish boshqarmasi tarkibida "Murojaatlar7ni telefon orqali qabul qilish markazi" tashkil etildi. Markaz 1-may kunidan boshlab test rejimida ishga turishiriladi.

Bizning Telegramdagi o‘zbekcha kanalimizga obuna bo‘ling va eng yangi xabarlarni birinchi bo‘lib o‘qing.