Tramp "Amerikanikini xarid qil, amerikaliklarni yolla" nomli farmonni imzolaydi

Obuna bo‘lish
Hujjat mamlakat ichida ishlab chiqarishni rag‘batlantirish va H-1B vizasi berilishini qayta ko‘rib chiqishga mo‘ljallangan

TOShKENT, 18 apr — Sputnik. AQSh prezidenti Donald Tramp seshanba kuni "Amerikanikini xarid qil, amerikaliklarni yolla" nomi bilan mashhur farmonga imzo chekadi. Bu haqda jurnalistlarga Oq uy ma’muriyatining yuqori martabali amaldori ma’lum qilgan, deb xabar qildi RIA Novosti.

Amerika grin-karta lotereyasini bekor qilmoqchi
Tramp bu vaqtda Viskonsin shtatida bo‘lishi aytilmoqda.

Ta’kidlanishicha, hujjat mamlakat ichida ishlab chiqarishni rag‘batlantirish va H-1B vizasi berilishini qayta ko‘rib chiqishga mo‘ljallangan.

"Bu tarixiy voqea va u prezident Tramp qay tarzda o‘z siyosatini o‘zgartirganini ta’kidlaydi. Bu siyosiy landshaftni o‘zgartiradi. Bu respublikachilar partiyasini ishchi sinflarning yanada kengroq namoyish etish uchun dvigatelga aylantiradi", — deb xabar qilgan amerikalik mansabdor.

Nyu-York - Sputnik O‘zbekiston
Amerika viza berilishi tartibini murakkablashtirdi
Amaldorning aytishicha, "bu farmon AQShga xorijdan kirib kelayotgan ishchi kuchlar uchun chiqarilgan qonunlar ijrosini ta’minlashda qat’iy chora-tadbirlar qo‘llashga xizmat qiladi hamda AQShdagi amerikaliklarga bandlikning eng oliy darajasini belgilash va eng yuqori maosh tayinlashda yordam beradi".

Hujjatda shuningdek, H-1B vizasi haqida ham to‘xtalib o‘tilgan. Endilikda bu turdagi viza faqatgina yuqori malakali mutaxassislarga berilishi ta’kidlangan. "Xabaringiz bor, H-1B vizasi "lotereya" shaklida berilayotgan edi", — deya izoh bergan Oq uy xodimi.

""Amerikanikini xardi qil, amerikaliklarni yolla" siyosati ishchi o‘rinlarning ko‘payishiga va iqtisodiy o‘sishga hamda oylik maosh ko‘tarilishiga olib keladi", — deb hikoya qilgan jurnalistlarga AQSh ma’muriyati xodimi.

O‘zbekiston va jahondagi eng so‘nggi yangiliklardan xabardor bo‘lishni istasangiz, Sputnik O‘zbekistonning Telegram-kanaliga obuna bo‘ling.

Yangiliklar lentasi
0