TOShKENT, 26 dek — Sputnik. O‘zbekiston va Afg‘oniston orasida mahsulot almashish 2016-yilning 10 oyida 429 mln dollarni tashkil qildi, deb xabar qilmoqda Sputnik muxbiri.
Bu haqida bugun Toshkentda bo‘lib o‘tgan O‘zbekiston va Afg‘oniston Savdo, transport va energetika masalalari bo‘yicha birlashgan komissiyasida xabar qilindi.
Bo‘lib o‘tgan uchrashuv davomida ikki mamlakatning iqtisodiy salohiyati, o‘zaro savdo hajmini oshirish imkoniyatlari hamda hududiy transport va tranzit kommunikatsiyalarni rivojlantirish masalalari kelishib olindi.
Xumoyun Qayumi o‘z nutqida ikki mamlakat orasida iqtisodning turli sohalarida mavjud bo‘lgan ulkan imkoniyatlar haqida so‘zladi hamda O‘zbekistonda o‘tkazilayotgan iqtisodiy diversifikatsiya qilishga va sanoat zamonaviylashtirishga qaratilgan islohotlarga yuqori baho berdi.
Prezident maslahatchisi o‘zaro ishonch va qiziqishga qaratilgan hamkorlik savdo-iqtisodiy sohada bosqichma-bosqich rivojlanib borayotganini aytib o‘tdi.
Eslatib o‘tamiz, komissiyaning birinchi kengashi Toshkentda 2015-yilning 20-aprelida bo‘lib o‘tgan edi. Bugungi kunda O‘zbekiston hududida Afg‘oniston ishtirokida 70 korxona ishlamoqda, ulardan 20tasi – 100% afg‘on kapitali ishtirokida tashkil qilingan.Ushbu korxonalar faoliyatining asosiy yo‘nalishi – xizmatlar sohasi, savdo operatsiyalari hamda qurilish materiallari ishlab chiqarishdir.
2015 yil yakunlariga ko‘ra, ikki mamalkat orasidiagi savdo hajmi 444,5 mln dollarni tashkil qildi. O‘zbekiston va Afg‘oniston orasidagi iqtisodiy hamkorlik “Savdo-iqtisodiy munosabatlar to‘g‘risida”, “Temiryo‘l transporti sohasidagi hamkorlik to‘g‘risida”, “Xalqaro transport yo‘nalishlari haqida” va “Tranzit va transport sohasidagi hamkorlik to‘g‘rirsida” kabi shartnomalar asosida tashkil qilingan.
