TOShKENT, 25 okt — Sputnik. O‘zbekistonda poymol qilingan huquqni Sud tizimi orqali tiklashi mumkinligiga aholining 71,8 % ishonadi, deyilgan "Ijtimoiy fikr" tomonidan o‘tkazilgan so‘rov natijalarida.
Ushbu so‘rov respublikaning 12 viloyatida, Qoraqalpog‘iston avtonom respublikasida hamda Toshkent shahrida bo‘lib o‘tgan edi. So‘rov davomida 1500 kishining fikri o‘rganildi. Ularning 48% erkaklar va 52% ayollar tashkil qildi. Shahar aholisining ulushi 36%, qishloq aholisining ulushi esa — 64% ni tashkil qildi. So‘rovda 17 yoshdan 70 yoshgacha bo‘lgan aholi ishtirok etdi.
"O‘tkazilgan izlanish natijasida aholining 71,8% o‘zlarining poymol qilingan huquqlarini sudga murojaat qilgan holda qayta tiklash mumkinligiga ishonch bildirdi", — deyilgan xabarda.
So‘rov yakunlariga ko‘ra, O‘zbekistonning 93,8% aholisi o‘z huquqlari ishonchli himoyalangan deb hisoblaydi. Undan tashqari ularning fikriga ko‘ra yaqin kelajakda sud-huquq tizimidagi islohotlarda yanada ko‘proq ijobiy natijalarga erishiladi.
So‘ralganlarning 82,5 % qonunga itoat qiluvchi fuqaro ekanligini va qonunlarning ma’nosini tushunishlarini va hurmat qilishlarini tan olishdi.
"Fuqarolarning aksariyat qismi — 96,9 % — O‘zbekistonda 2008-yilning 1-yanvaridan o‘lim jazosi bekor qilinganligini qo‘llab-quvvatlashdi", — deyilgan xabarda.
Biroz oldin, Bosh vazir Shavkat Mirziyoyev O‘zbekiston Jinoyat va Ma’muriy qonunbuzarliklar kodekslariga o‘zgarishlar kiritish haqida qaror imzolagan edi. Hujjat O‘zbekiston sud-huquq tizimining rivojlantirishga qaratilgan 45 tadbirni o‘z ichiga olgan.
Xususan, 2017-yilning 1-aprelidan boshlab O‘zbekistonda "hibsga olish" jinoiy jazosi bekor qilinadi.
