TOShKENT, 20 okt — Sputnik. 19-oktabr kuni Germaniya poytaxti Berlinda Rossiya prezidenti Vladimir Putin, Germaniya kansleri Angela Merkel, Fransiya prezidenti Fransua Olland hamda Ukraina prezidenti Potr Poroshenko ishtirokida "normand to‘rtligi" muzokaralari o‘tkazildi.
"Birinchidan, Minsk kelishuvlari xususida. Uchrashuvning barcha a’zolari Ukraina janubi-sharqidagi mojaro bartaraf etilishiga Minsk kelishuvi asos bo‘lmog‘i lozimligini tasdiqladilar. Tomonlar bu kelishuvlar tarafdori ekanliklarini tasdiqladilar", — dedi Putin Berlindagi uchrashuv yakuni borasida.
Rossiya prezidenti, shuningdek, ishtirokchilar xavfsizlik masalalariga juda ko‘p vaqt sarflaganliklarini ma’lum qildi.
"Masalani hal etish uchun yaqin kelajakda amalga oshiriladigan ishlar borasida kelishuvlar bo‘ldi", — deya qo‘shimcha qildi Putin.
Shuningdek, Putinga ko‘ra, "to‘rtlik" Donbass shahrida OBSE missiyasini kengaytirishga tayyorligini bildirgan. Putin gap og‘ir texnikani olib chiqish va saqlash hududi borasida ketayotganini qo‘shimcha qilgan.
"Afsuski, Ukraina bo‘yicha insonparvarlik masalalarida ko‘p narsaga erishishga muvaffaq bo‘lmadik, ammo ishtirokchilar bu borada ham masalalarni hal etishga tayyorliklarini aytdilar", — deb qayd etdi Rossiya prezidenti.
Eslatib o‘tamiz, Berlin shahrida o‘tkazilgan muzokaralar uch soatdan sal ziyod davom etgan.
