TOShKENT, 13 avg — Sputnik. Qirg‘iziston qo‘shni davlatlar bilan, xususan Rossiya bilan do‘stona aloqalarga alohida ahamiyat qaratadi, deb bayonot qildi Qirg‘iziston prezidenti Sooronbay Jeenbekov. Sputnik Qirg‘iziston xabari asosida.
Bugun Jeenbekov Qirg‘iziston Respublikasini barqaror taraqqiy ettirish bo‘yicha Milliy kengashi majlisiga raislik qilmoqda.
U yig‘ilish ishtirokchilari oldida nutq so‘zlab, dunyoda jiddiy o‘zgarishlar bo‘layotganini, xususan, bu o‘zgarishlar Qirg‘izistonga ham ta’sir ko‘rsatayotganligini ta’kidladi.
"Biz qo‘shni davlatlar bilan do‘stona munosabatlarni taraqqiy ettirishga alohida ahamiyat qaratamiz, shu jumladan, strategik sherigimiz - Rossiya bilan munosabatlarga ham. YeOII, ShHT, ODKB mamlakatlari bilan haroqlama munosabatlarni yanada mustahkamlaymiz", - dedi Jeenbekov.
Qirg‘iziston rahbari so‘zlariga ko‘ra, u boshqa davlatlar bilan ham munosabatlarni rivojlantiradi.
"Biz Xitoy bilan hamkorlikni strategik darajaga yetkazdik, shuningdek, Turkiya, Yaponiya, Janubiy Koreya, AQSh va Yevroittifoq mamlakatlari bilan munosabatlarni rivojlantirishga harakat qilamiz. Biz xalqaro hamkorlarlarimizga ustuvor ahamiyat qaratamiz, xususan, BMTdagi hamkorlikka ham", - deb ta’kidlagan Jeenbekov.