28-29-iyun kunlari Toshkent shahridagi Inxa universitetida "O‘zbekiston 2035" forumi bo‘lib o‘tadi.
"Buyuk Kelajak" XNNT hamda "Taraqqiyot strategiyasi" markazi tomonidan tashkil etilayotgan forumda O‘zbekistonni rivojlantirishning 2035-yilgacha bo‘lgan uzoq muddatli strategiyasi konsepsiyasini muhokama qilinadi.
Tadbirda O‘zbekiston Respublikasi Oliy Majlis Qonunchilik palatasi va Senati, Prezident devoni, vazirliklar va idoralar, ilmiy markazlar, xalqaro tashkilotlar, diplomatik vakolatxonalar vakillari hamda xalqaro ekspertlar ishtirok etishi kutilmoqda.
Forumda O‘zbekiston Respublikasi Prezidenti devoni vakili Mavlyanov, "Buyuk Kelajak" ekspertlar kengashi Raisi — Alisher Kalonov, "Buyuk Kelajak" Ta’sis kengashi a’zosi Sobir Shodiyev hamda BMTning O‘zbekistondagi Doimiy koordinatori Xelena Freyzer o‘z nutqlari bilan ishtirok etadilar.
