Ikromov: sinfda bolalarning 20 foizi kasallansa, karantin e’lon qilinadi

© Sputnik / Pavel Lisisin / Mediabankka o‘tishShkola
Shkola - Sputnik O‘zbekiston, 1920, 22.11.2026
Obuna bo‘lish
Maktab sinflari va bog‘cha guruhlarida bolalarning kamida 20 foizi yuqumli kasallikka chalinsa, karantin joriy etiladi.
TOShKENT, 22 noya — Sputnik. O‘zbekistonda maktab sinfi yoki bog‘cha guruhidagi bolalarning 20 foizi yoki undan ko‘pi yuqumli kasallikka chalinsa, karantin e’lon qilinib, onlayn ta’limga o‘tiladi. Bu haqda Sanitariya-epidemiologik osoyishtalik va jamoat salomatligi qo‘mitasi boshqarma boshlig‘i Rustamjon Ikromov matbuot anjumanida ma’lum qildi.
Uning ta’kidlashicha, mazkur tartib Sog‘liqni saqlash vazirligi tomonidan tasdiqlangan tegishli buyruqlarda belgilangan.
Kuz-qish mavsumida gripp va o‘tkir respirator virusli infeksiyalar tarqalish xavfi ortadi. Shu bois ta’lim muassasalarida bolalar va xodimlarning salomatligi muntazam nazorat qilinadi.
Kasallik belgilari kuzatilgan bolalar vaqtincha jamoadan ajratiladi. Xonalarni shamollatish, nam tozalash va sanitariya-gigiyena tadbirlari kuchaytiriladi.
Qo‘mita ota-onalarni yuqumli kasallik alomatlari bor bolalarni maktab va bog‘chalarga yubormaslikka chaqirdi.
Koronavirus - Sputnik O‘zbekiston, 1920, 14.05.2026
Xantavirus yangi pandemiyaga sabab bo‘ladimi? Olimlar izohi
Yangiliklar lentasi
0