Toshkentdagi dzudo bo‘yicha yoshlar JCh: Rossiya birinchi, O‘zbekiston beshinchi

© Federatsiya dzudo UzbekistanaV Tashkente zavershilis odinochnie sorevnovaniya molodejnogo chempionata mira po dzudo
V Tashkente zavershilis odinochnie sorevnovaniya molodejnogo chempionata mira po dzudo - Sputnik O‘zbekiston, 1920, 22.11.2026
Obuna bo‘lish
Rossiya yoshlar o‘rtasidagi dzudo jahon chempionatining yakkalik bahslarida g‘olib bo‘ldi, O‘zbekiston esa beshinchi o‘rinni egalladi.
TOShKENT, 22 noya — Sputnik. Toshkentda dzudo bo‘yicha 21 yoshgacha bo‘lgan sportchilar o‘rtasidagi jahon chempionatining yakkalik bahslari yakunlandi. Rossiya terma jamoasi birinchi, O‘zbekiston esa beshinchi o‘rinni egalladi. Bu haqda O‘zbekiston dzudo federatsiyasi xabar berdi.
Rossiyalik dzudochilar 4 ta oltin, 2 ta kumush va 4 ta bronza medalini qo‘lga kiritdi. Ikkinchi o‘rinni Turkiya (2 ta oltin, 1 ta kumush), uchinchi o‘rinni Fransiya (2 ta oltin, 1 ta bronza) egalladi.
Dzudo vatani Yaponiya 8 ta medal jamg‘arganiga qaramay, oltin medallar soni bo‘yicha to‘rtinchi bo‘ldi. O‘zbekiston esa bittadan oltin, kumush va bronza medali bilan kuchli beshlikdan joy oldi.
O‘zbekiston terma jamoasining sovrindorlari:
Muhammadjon Masharipov (60 kg gacha) — oltin;
Sa’dulla Ravshanov (81 kg gacha) — kumush;
Fazliddin Rafikov (100 kg dan yuqori) — bronza.
Xalqaro dzudo federatsiyasi ma’lumotiga ko‘ra, Masharipov finalda amerikalik Jonatan Yang bilan keskin bellashuv o‘tkazgan. Qo‘shimcha vaqtning 7 daqiqa 48 soniyasi o‘tgach, raqib uchinchi ogohlantirishni olgan va g‘alaba o‘zbekistonlik sportchiga nasib etgan.
Ravshanov esa finalda rossiyalik Yaroslav Bunakovga qarshi bahsda dastlab hisobda oldinga chiqqan, biroq raqibi ippon usuli bilan g‘alaba qozongan.
Rafikov bronza medali uchun bellashuvda turkiyalik Mahmutjon Madenni taxminan bir yarim daqiqada ippon bilan mag‘lub etgan.
19–21 noyabr kunlari o‘tkazilgan yakkalik bahslarida 78 mamlakatdan 574 nafar dzudochi qatnashdi. O‘zbekiston ushbu yosh toifasidagi jahon chempionatiga ilk bor mezbonlik qilmoqda.
22 noyabr kuni musobaqa aralash jamoaviy bellashuvlar bilan davom etadi. Unda 16 mamlakat terma jamoasi ishtirok etadi.
Shavkat Mirziyoyev prinyal prezidenta Mejdunarodnoy federatsii dzudo Mariusa Vizera - Sputnik O‘zbekiston, 1920, 20.11.2026
Mirziyoyev Xalqaro dzudo federatsiyasi rahbarini qabul qildi
Yangiliklar lentasi
0