Mirziyoyev Xalqaro dzudo federatsiyasi rahbarini qabul qildi

© Press-slujba prezidenta UzbekistanaShavkat Mirziyoyev prinyal prezidenta Mejdunarodnoy federatsii dzudo Mariusa Vizera
Shavkat Mirziyoyev prinyal prezidenta Mejdunarodnoy federatsii dzudo Mariusa Vizera - Sputnik O‘zbekiston, 1920, 20.11.2026
Obuna bo‘lish
Uchrashuvda murabbiylar va hakamlarni tayyorlash hamda sport tibbiyoti sohasidagi hamkorlik masalalariga alohida e’tibor qaratildi.
TOShKENT, 20 noya – Sputnik. O‘zbekiston prezidenti Shavkat Mirziyoyev o‘smirlar o‘rtasida dzudo bo‘yicha jahon chempionati munosabati bilan mamlakatda bo‘lib turgan Xalqaro dzudo federatsiyasi prezidenti Marius Vizerni qabul qildi. Bu haqda prezident matbuot xizmati xabar berdi.
Ma’lum qilinishicha, uchrashuvda ushbu nufuzli federatsiya bilan milliy dzudo maktabini rivojlantirish va yosh sportchilarni tayyorlash borasida hamkorlikni yanada kengaytirish masalalari ko‘rib chiqildi.
Toshkent jahonning nufuzli dzudo markazlaridan biriga aylanib borayotgani ta’kidlandi. So‘nggi uch yilda O‘zbekistonda 4 ming nafardan ziyod sportchi ishtirokida 10 ta xalqaro musobaqa o‘tkazildi. Joriy yilgi o‘smirlar o‘rtasidagi jahon chempionati esa ilk bor O‘zbekistonda tashkil etilmoqda.
Marius Vizer mamlakatda sportni rivojlantirish va yoshlarni sportga keng jalb etish bo‘yicha amalga oshirilayotgan islohotlarni yuqori baholadi.
O‘zbekistonda yirik xalqaro musobaqalarni o‘tkazish, milliy terma jamoani Los-Anjelesda bo‘lib o‘tadigan Olimpiya o‘yinlariga tayyorlash, mamlakatda yaratilgan zamonaviy sport infratuzilmasi negizida sportchilar, murabbiylar va hakamlarni tayyorlash hamda sport tibbiyoti sohasidagi hamkorlik masalalariga alohida e’tibor qaratildi.
Dzudo bo‘yicha o‘smirlar o‘rtasidagi jahon chempionati 19-22 noyabr kunlari Toshkent shahridagi Olimpiya shaharchasida bo‘lib o‘tadi. Unda 78 ta mamlakatdan 600 nafarga yaqin yosh sportchi bellashmoqda. Musobaqalarga xorijiy mamlakatlarning yuqori darajadagi delegatsiyalari ham kelgan.
Dzudoist iz Uzbekistana Murodjon Yuldoshev v kategorii do 81 kg zavoyeval serebro na Gran-pri v stolitse Xorvatii Zagrebe - Sputnik O‘zbekiston, 1920, 15.11.2026
O‘zbekistonlik dzudochi Murodjon Yo‘ldoshev Xorvatiyada kumush medal oldi
Yangiliklar lentasi
0