Rahmon va Putin mintaqadagi xavfsizlik masalalarini muhokama qildi

© Sputnik / Sergey Bobilev / Mediabankka o‘tishVizit prezidenta RF Vladimira Putina v Tadjikistan
Vizit prezidenta RF Vladimira Putina v Tadjikistan - Sputnik O‘zbekiston, 1920, 20.11.2026
Obuna bo‘lish
Rossiya va Tojikiston yetakchilari tahdid va xatarlarga qarshi kurashish masalalariga ham e’tibor qaratdi.
TOShKENT, 20 noya – Sputnik. Tojikiston prezidenti Emomali Rahmon rossiyalik hamkasbi Vladimir Putin bilan mintaqadagi vaziyat, tahdid va xatarlarga qarshi kurashish masalalarini muhokama qildi. Bu haqda Tojikiston prezidenti matbuot xizmati xabar berdi.
Qayd etilishicha, prezidentlar muzokaralar chog‘ida “mintaqadagi vaziyat, terrorizm, ekstremizm, radikalizm ko‘rinishlari, kibertahdidlar va giyohvand moddalarning noqonuniy aylanishi kabi xavfsizlikka tahdid va tahdidlarga qarshi kurash” masalalarini atroflicha muhokama qildi.
Rahmon va Putin mintaqada xavfsizlik va barqarorlikni ta’minlash masalalari yuzasidan fikr almashdi.
Bundan tashqari, uchrashuvda yetakchilar ikki mamlakat huquq-tartibot idoralari, maxsus xizmatlari va mudofaa idoralari o‘rtasidagi o‘zaro hamkorlikni yuqori baholadi.
Rossiya prezidenti matbuot kotibi Dmitriy Peskovning ma’lum qilishicha, Putin va Rahmon Dushanbedagi muzokaralarda Rossiya harbiy bazasining respublikada bundan buyon ham bo‘lishi masalasiga alohida e’tibor qaratdi.
Rahmon Putinga Afg‘oniston bilan chegaradagi vaziyat haqida ma’lumot berdi.
Tojikistonda Rossiyaning 201-harbiy bazasi joylashgan. Bu Rossiyaning xorijdagi eng yirik harbiy obyekti bo‘lib, u Qurolli kuchlar Markaziy harbiy okrugi tarkibiga kiradi.
Shavkat Mirziyoyev provel soveshanie po voprosam podgotovki k zaplanirovannim v Buxare krupnim mejdunarodnim meropriyatiyam - Sputnik O‘zbekiston, 1920, 06.11.2026
Mirziyoyev: terrorchi tashkilotlar raqamli muhitdan foydalanayotgani jiddiy tashvish uyg‘otadi
Yangiliklar lentasi
0