O‘zbekiston va RF kasaba uyushmalari Yangi yil uchun qo‘shma sayyohlik dasturlarini ishlab chiqmoqda

© Sputnik / Baxrom XatamovQish mavsumida kuzatuv maydonchasidan Chorvoq suv omborining ko‘rinishi.
Qish mavsumida kuzatuv maydonchasidan Chorvoq suv omborining ko‘rinishi. - Sputnik O‘zbekiston, 1920, 20.11.2026
Obuna bo‘lish
Dasturlarning mavzulari madaniy, ma’rifiy, gastronomik, sog‘lomlashtirish yo‘nalishlarini o‘z ichiga oladi.
TOShKENT, 20 noya – Sputnik. O‘zbekiston Turizm qo‘mitasi va Rossiya Mustaqil kasaba uyushmalari federatsiyasi Rossiya fuqarolari uchun yangi yil bayramlarida maxsus sayyohlik dasturlarini ishlab chiqmoqda. Bu haqda mamlakat Turizm qo‘mitasi vakili Ulug‘bek Asadullayev RIA Novostiga ma’lum qildi.
Uning tushuntirishicha, turizm dasturlarini ishlab chiqish yondashuvi O‘zbekiston Turizm qo‘mitasi va Rossiya Mustaqil kasaba uyushmalari federatsiyasi o‘rtasidagi kelishuv doirasida amalga oshirilmoqda.
“Bu Rossiya fuqarolarining qish mavsumida, jumladan, turistik guruhlar tarkibida O‘zbekistonga sayohatlarini tashkil etish imkoniyatlarini kengaytiradi,” - dedi Asadullayev.
Ishlab chiqilgan dasturlarning mavzulari madaniy, ma’rifiy, gastronomik, sog‘lomlashtirish yo‘nalishlarini o‘z ichiga oladi.
“25-27 noyabr kunlari bo‘lib o‘tadigan Toshkent xalqaro turizm yarmarkasi hamkorlikni mustahkamlash uchun yana bir maydon bo‘ladi”, - deya qo‘shimcha qildi Turizm qo‘mitasi vakili.
Milliy statistika qo‘mitasi ma’lumotlariga ko‘ra, 2026-yilning yanvar–oktabr oylarida O‘zbekistonga turistik maqsadlarda 11,6 million nafar chet el fuqarosi keldi. Bu o‘tgan yilning mos davriga nisbatan qariyb 1,9 million nafarga yoki 19,4 foizga ko‘p.
Turistlarning asosiy qismi qo‘shni davlatlar hissasiga to‘g‘ri kelgan. Qirg‘iziston, Qozog‘iston va Tojikistondan jami 8,4 milliondan ortiq kishi tashrif buyurgan.
Rossiyadan kelgan turistlar soni esa 1,1 million nafardan oshdi. Bu 2025-yilning barcha 12 oyidagi ko‘rsatkichdan ham yuqori.
Semeynoe puteshestvie po Uzbekistanu - Sputnik O‘zbekiston, 1920, 19.08.2026
Rossiyaliklarga O‘zbekistonda oilaviy dam olish uchun maxsus dasturlar taklif etiladi
Yangiliklar lentasi
0