O‘zbekistonda mahkumlarga oliygohlarda masofaviy o‘qish imkoni yaratiladi

© Sputnik / Aleksey Kudenko / Mediabankka o‘tishSledstvenniy izolyator
Sledstvenniy izolyator  - Sputnik O‘zbekiston, 1920, 17.11.2026
Obuna bo‘lish
2027/2028 o‘quv yilidan mahkumlar oliygohlarga kirib, masofaviy shaklda kontrakt asosida o‘qishi mumkin bo‘ladi. Koloniyalarda maxsus xonalar ajratiladi.
TOShKENT, 17 noya — Sputnik. O‘zbekistonda 2027/2028 o‘quv yilidan mahkumlarga oliy ta’lim tashkilotlariga kirish va masofaviy shaklda to‘lov-kontrakt asosida o‘qish imkoni yaratiladi. Bu jazoni o‘tayotgan shaxslarni ozodlikka tayyorlash va ijtimoiylashuvini ta’minlash bo‘yicha qabul qilingan prezident qarorida belgilandi.
“Yangi hayot” dasturi doirasida o‘qishga qabul qilingan mahkumlar uchun koloniyalarda videokonferensaloqa vositalari bilan jihozlangan xonalar ajratiladi.
Qarorda mahkumlarni mehnat bozorida talab yuqori bo‘lgan kasblarga o‘qitishni kengaytirish ham nazarda tutilgan. Asosiy maqsadlar:
2027/2028 o‘quv yiliga qadar jazoni ijro etish muassasalarida 310 ta o‘quv va 420 ta amaliy mashg‘ulotlar xonasini tashkil etish;
2030 yilga qadar kamida 50 ta kasb bo‘yicha o‘quv dasturlarini joriy etish;
har yili kamida 15–20 ming nafar mahkumni kasbga o‘qitish;
kasbga o‘qitish orqali takroriy jinoyatchilik darajasini 30 foizga qisqartirish.
Shuningdek, yosh mahkumlar orasidan saylov orqali yoshlar faollari tanlanadi. Ular har chorakda bazaviy hisoblash miqdorining uch baravari miqdorida rag‘batlantiriladi.
Barcha koloniyalarda mahkumlar o‘rtasida masofaviy “Yosh kitobxon” tanlovi o‘tkaziladi. Kutubxonalarda esa “Mutolaa” platformasidan foydalanish imkoniyati yaratiladi.
V Namangane zarabotala sovremennaya IT-biblioteka. - Sputnik O‘zbekiston, 1920, 16.06.2026
Mahkumlarning kitob o‘qiganini tasdiqlovchi maxsus komissiya bir yilda 2-marta yig‘iladi
Yangiliklar lentasi
0