“O‘z uyimizga xo‘jayin bo‘lishimiz kerak”: migrantlar Yevropadan Afrikaga yuborilishi mumkin

© Pravitelstvo AvstriiPat yevropeyskix stran planiruyut otkrit sentr dlya otpravki migrantov v Ruandu
Pat yevropeyskix stran planiruyut otkrit sentr dlya otpravki migrantov v Ruandu - Sputnik O‘zbekiston, 1920, 17.11.2026
Obuna bo‘lish
Ruandaga Yevropada qolish huquqi bo‘lmagan migrantlarni yuborish rejalashtirilmoqda. Dastlabki ko‘chirishlar 2027-yilda boshlanishi mumkin.
TOShKENT, 17 noya — Sputnik. Avstriya, Daniya, Germaniya, Gretsiya va Niderlandiya Ruandada Yevropada qolish huquqi bo‘lmagan migrantlarni joylashtirish uchun markaz tashkil etish bo‘yicha muzokaralarni boshlamoqda. Bu haqda Avstriya hukumati ma’lum qildi.
Avstriya kansleri Kristian Shtoker tashabbusni izohlar ekan, yashash huquqi bo‘lmagan shaxslarni mamlakatdan chiqarib bo‘lmasa, boshpana tizimi o‘z ma’nosini yo‘qotishini aytdi.
“Agar o‘z vataniga qaytarishning imkoni bo‘lmasa, yashash huquqiga ega bo‘lmagan odamlar kelgusida Ruanda kabi uchinchi davlatga yuboriladi. Chunki o‘z uyimizga o‘zimiz xo‘jayin bo‘lishimiz kerak”, — dedi u.
Daniya bosh vaziri Mette Frederiksen ham rejani migratsiya siyosatidagi burilish sifatida taqdim etdi.
“Biz nazoratni qaytarib olamiz va noqonuniy migratsiyaga rag‘batni yo‘qotamiz”, — dedi u Venadagi matbuot anjumanida.
Biroq hozircha gap migrantlarni yuborish boshlangani haqida emas, markazni tashkil etish shartlarini kelishish haqida bormoqda. Besh davlat va Ruanda dastlabki ko‘chirishlarni 2027-yilda boshlashni maqsad qilgan.
Yevropadan chiqariladi, Ruandada yashash imkoni beriladi
Reja Yevropa davlatlarida qonuniy qolish asosi bo‘lmagan, xalqaro himoyaga muhtoj deb topilmagan va chiqarib yuborish to‘g‘risida ijro etilishi lozim bo‘lgan qaror chiqarilgan migrantlarga taalluqli.
Germaniya ichki ishlar vaziri Aleksandr Dobrindt bunday markazlarni vatani qaytarib olish jarayonida hamkorlik qilmayotgan, Yevropada esa qolish huquqi va istiqboli bo‘lmagan shaxslar uchun yechim deb atadi.
Niderlandiya hukumatiga ko‘ra, birinchi bosqichda faqat yolg‘iz erkaklarni yuborish rejalashtirilgan. Ular ochiq turdagi vaqtinchalik markazga joylashtiriladi.
Ruandada yashash, ishlash, ta’lim va tibbiy xizmatlardan foydalanish imkoniyati berilishi ko‘zda tutilgan.
Shu tariqa, Yevropada qolishiga ruxsat berilmagan odamlarga Ruandada hayot boshlash taklif etiladi. Ular o‘z vataniga ixtiyoriy qaytishi ham mumkin. Joylashtirish xarajatlarini besh Yevropa davlati qoplaydi.
“Nazoratni qaytarish”mi yoki huquqlarga xavf?
Tashabbuskorlar markaz inson huquqlari va xalqaro huquq talablariga muvofiq ishlashini va’da qilmoqda. Ammo tanqidchilar migrantlarni Yevropa hududidan tashqariga yuborish ularning huquqlarini himoya qilishni qiyinlashtirishidan xavotirda.
Yevroparlament deputati Melissa Kamara Ruanda bilan e’lon qilingan tashabbusni “sharmandalik” deb atadi.
Yevropa parlamenti tadqiqot xizmati sharhida esa YeIdan tashqarida inson huquqlariga rioya etilishini samarali nazorat qilish imkoniyatlari shubha ostida ekanligi qayd etilgan.
Avvalroq bunday markazlar uchun ehtimoliy manzillar qatorida Ruanda va Uganda bilan birga O‘zbekiston ham tilga olingan edi. Bu Yevropa parlamenti tadqiqot xizmati hujjatida keltirilgan.
Flag Yevrosoyuza . - Sputnik O‘zbekiston, 1920, 24.06.2026
Politico: YeI O‘zbekistonda migrantlar uchun markaz ochishni muhokama qilmoqda
Yangiliklar lentasi
0