https://oz.sputniknews.uz/20261109/algoritm-axborot-jurnalistlar-61873697.html
Algoritmlar axborot kun tartibini jurnalistlardan tortib olmoqda — Aslanov
Algoritmlar axborot kun tartibini jurnalistlardan tortib olmoqda — Aslanov
Sputnik O‘zbekiston
MirshohidAslanov Rossiya–O‘zbekiston mediaforumida algoritmlarning jurnalistikaga ta’siri, milliy til modellari va axborot suvereniteti haqida gapirdi. U ikki mamlakat o‘rtasida faktcheking va qo‘shma tadqiqotlar o‘tkazishni taklif qildi.
2026-11-09T17:11+0500
2026-11-09T17:11+0500
2026-11-09T17:11+0500
iii rossiya-o‘zbekiston media-forumi
sun’iy intellekt
oav
jurnalist
raqamli texnologiyalar
o‘zbek tili
https://cdn1.img.sputniknews.uz/img/07ea/0b/09/61859098_0:162:1077:768_1920x0_80_0_0_c0616c2cf676a8434db511a814173596.jpg
TOShKENT, 9 noya — Sputnik. Raqamli davrda axborot kun tartibini shakllantirish tobora jurnalistlardan algoritmlarga o‘tmoqda. Bu haqda Progressiv islohotlar markazi direktori Mirshohid Aslanov III Rossiya–O‘zbekiston mediaforumida ma’lum qildi, deb xabar bermoqda Sputnik O‘zbekiston muxbiri.Aslanovning ta’kidlashicha, algoritmlar insonning qiziqishlari, qo‘rquvlari va qarashlarini o‘rganib, unga mos axborotni muntazam taqdim etadi.Sun’iy intellekt esa axborot maydoniga inson bo‘lmagan yangi muallif sifatida kirib keldi. U mustaqil ravishda kontent yaratishi mumkin, ammo uning oqibatlari uchun javobgarlikni o‘z zimmasiga olmaydi.Aslanovning fikricha, bu sharoitda uchta asosiy vazifa yuzaga kelmoqda:Aslanov O‘zbekistonda prezident topshirig‘i asosida milliy til modeli va o‘zbek tili korpusi yaratilayotganini ta’kidladi.Uning aytishicha, sun’iy intellekt modellari ko‘proq ma’lumot mavjud bo‘lgan tillarga tayanadi. O‘zbekiston haqidagi boshqa tillardagi materiallar o‘zbek tilidagidan ancha ko‘pligi sababli milliy modelni rivojlantirish alohida ahamiyatga ega.Xususan, ikki mamlakat jamiyatlarining bir-biri haqidagi tasavvurlarini har yili birgalikda o‘rganishni taklif qildi. Bu media sohasidagi qarorlarni taxminlarga emas, aniq tadqiqot natijalariga asoslanib qabul qilish imkonini beradi.Progressiv islohotlar markazi rossiyalik hamkorlar bilan bunday tadqiqotlar o‘tkazish va faktcheking sohasida hamkorlik qilishga tayyor.Aslanovning ta’kidlashicha, algoritmlar va sun’iy intellekt qanchalik rivojlanmasin, jurnalist va muharrirning mas’uliyati yo‘qolmaydi.Uning fikricha, medianing kelajagi texnologiyalar tezligini jurnalistik etika, milliy kontekstni tushunish va jamiyat oldidagi mas’uliyat bilan uyg‘unlashtirishga bog‘liq. Bu boradagi qoidalarni yaqin ikki-uch yil ichida shakllantirish zarur.
https://oz.sputniknews.uz/20260519/uzbekistan-suniy-intellekt-57695505.html
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
2026
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
Yangiliklar
uz_UZ
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
sun’iy intellekt, oav, jurnalist, raqamli texnologiyalar, o‘zbek tili
sun’iy intellekt, oav, jurnalist, raqamli texnologiyalar, o‘zbek tili
Algoritmlar axborot kun tartibini jurnalistlardan tortib olmoqda — Aslanov
Mirshohid Aslanov sun’iy intellekt axborotni tanlash va tarqatishda inson o‘rnini egallayotgani, ammo uning uchun javob bermasligini aytdi.
TOShKENT, 9 noya — Sputnik. Raqamli davrda axborot kun tartibini shakllantirish tobora jurnalistlardan algoritmlarga o‘tmoqda. Bu haqda Progressiv islohotlar markazi direktori Mirshohid Aslanov III Rossiya–O‘zbekiston mediaforumida ma’lum qildi, deb xabar bermoqda
Sputnik O‘zbekiston muxbiri.
Aslanovning ta’kidlashicha, algoritmlar insonning qiziqishlari, qo‘rquvlari va qarashlarini o‘rganib, unga mos axborotni muntazam taqdim etadi.
Natijada foydalanuvchida butun dunyo u bilan bir xil fikrlaydi, degan noto‘g‘ri tasavvur paydo bo‘lishi mumkin.
Sun’iy intellekt esa axborot maydoniga inson bo‘lmagan yangi muallif sifatida kirib keldi. U mustaqil ravishda kontent yaratishi mumkin, ammo uning oqibatlari uchun javobgarlikni o‘z zimmasiga olmaydi.
Aslanovning fikricha, bu sharoitda uchta asosiy vazifa yuzaga kelmoqda:
Axborot suvereniteti — milliy axborot makonini algoritmik manipulyatsiyalar va yolg‘on ma’lumotlardan himoya qilish;
Milliy o‘zlikni saqlash — raqamli platformalarda mamlakat tili, tarixi, an’analari va madaniy qadriyatlarini hisobga olish;
Milliy til modellarini rivojlantirish — sun’iy intellekt o‘zbek tili va mahalliy madaniy kontekstni to‘g‘ri tushunishini ta’minlash.
Aslanov O‘zbekistonda prezident topshirig‘i asosida milliy til modeli va o‘zbek tili korpusi yaratilayotganini ta’kidladi.
Uning aytishicha, sun’iy intellekt modellari ko‘proq ma’lumot mavjud bo‘lgan tillarga tayanadi. O‘zbekiston haqidagi boshqa tillardagi materiallar o‘zbek tilidagidan ancha ko‘pligi sababli milliy modelni rivojlantirish alohida ahamiyatga ega.
Rossiya bilan media hamkorlik masalasiga to‘xtalar ekan, Aslanov o‘zaro hurmat, algoritmik platformalar mas’uliyati va amaliy texnologik hamkorlikni ustuvor yo‘nalishlar sifatida ko‘rsatdi.
Xususan, ikki mamlakat jamiyatlarining bir-biri haqidagi tasavvurlarini har yili birgalikda o‘rganishni taklif qildi. Bu media sohasidagi qarorlarni taxminlarga emas, aniq tadqiqot natijalariga asoslanib qabul qilish imkonini beradi.
Progressiv islohotlar markazi rossiyalik hamkorlar bilan bunday tadqiqotlar o‘tkazish va faktcheking sohasida hamkorlik qilishga tayyor.
Aslanovning ta’kidlashicha, algoritmlar va sun’iy intellekt qanchalik rivojlanmasin, jurnalist va muharrirning mas’uliyati yo‘qolmaydi.
"Mashina kechirim so‘rashni bilmaydi, ayniqsa, aytilgan gaplar uchun javob bera olmaydi", — dedi u.
Uning fikricha, medianing kelajagi texnologiyalar tezligini jurnalistik etika, milliy kontekstni tushunish va jamiyat oldidagi mas’uliyat bilan uyg‘unlashtirishga bog‘liq. Bu boradagi qoidalarni yaqin ikki-uch yil ichida shakllantirish zarur.
