https://oz.sputniknews.uz/20261029/russia-usa-ukraine-muzokaralar-61584006.html
Rossiya–AQSh–Ukraina muzokaralari: Ushakov sana va Yevropa ishtiroki haqida gapirdi
Rossiya–AQSh–Ukraina muzokaralari: Ushakov sana va Yevropa ishtiroki haqida gapirdi
Sputnik O‘zbekiston
Abu-Dabida Rossiya, AQSh va Ukraina muzokaralari 4-noyabrdan keyin o‘tkazilishi kutilmoqda. Kiyev 6–10 noyabrni taklif qilgan, Moskva esa aniq sanani tasdiqlamagan. Yevropa vakillarini taklif etish rejalashtirilmagan.
2026-10-29T10:48+0500
2026-10-29T10:48+0500
2026-10-29T10:49+0500
rossiyaning donbassdagi maxsus harbiy operatsiyasi
yuriy ushakov
dunyo yangiliklari
dunyoda
muzokaralar
rossiya
ukraina
aqsh
https://cdn1.img.sputniknews.uz/img/07e9/0c/07/54008508_0:126:3193:1922_1920x0_80_0_0_86540edbd04a43a29567ee5371562cdc.jpg
TOShKENT, 29 okt — Sputnik. Rossiya, AQSh va Ukraina o‘rtasidagi uch tomonlama muzokaralar 4-noyabrdan keyin o‘tkazilishi kutilmoqda. Biroq uchrashuvning aniq sanasi hali kelishilmagan. Bu haqda Rossiya prezidenti yordamchisi Yuriy Ushakov jurnalistlarga ma’lum qildi, deb xabar bermoqda RIA Novosti.Uning so‘zlariga ko‘ra, navbatdagi muzokaralar muddati jang maydonidagi vaziyat va umumiy sharoitga ham bog‘liq bo‘ladi. Moskva hozircha uchrashuv sanasi bo‘yicha o‘z taklifini bildirmagan.Shuningdek, Rossiya delegatsiyasining to‘liq tarkibi hali tasdiqlanmagan. Ushakovning ta’kidlashicha, delegatsiyaning asosiy o‘zagi shakllangan, qolgan a’zolar yaqin vaqt ichida aniqlanadi.O‘z navbatida, Vladimir Zelenskiy Niderlandiya bosh vaziri Rob Yetten bilan Gaagada o‘tkazilgan matbuot anjumanida uchrashuv 6–10 noyabr kunlari Abu-Dabida bo‘lib o‘tishiga umid bildirdi.Uning so‘zlariga ko‘ra, Kiyev Vashingtondan javob kutmoqda. Uchrashuvning aniq sanasi 4-noyabrdan keyin ma’lum bo‘lishi mumkin. Shu bilan birga, Yaqin Sharqdagi vaziyat sabab muzokaralar joyi o‘zgarishi ehtimoli ham istisno etilmayapti.Ushakovning ma’lum qilishicha, hozircha muzokaralarda Yevropa vakillari qatnashish imkoniyat ko‘rib chiqilmayapti. Tomonlar faqat Rossiya, AQSh va Ukraina vakillari ishtirokida uch tomonlama maslahatlashuvlarni qayta tiklashga kelishgan.U, xususan, Finlyandiya prezidenti Aleksandr Stubb va Norvegiya bosh vaziri Yonas Gar Storeni Yevropa nomidan muzokarachilar sifatida jalb qilish masalasi ham muhokama qilinmayotganini bildirdi.Eslatib o‘tamiz, 21-oktabrda Vladimir Putinning AQSh prezidenti maxsus vakili Stiv Uitkoff bilan uchrashuvida uch tomonlama muzokaralarni qayta boshlash masalasi muhokama qilingan edi.
https://oz.sputniknews.uz/20261027/putin-finland-norway-ukraine-muhokama-61535398.html
ukraina
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
2026
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
Yangiliklar
uz_UZ
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
yuriy ushakov, dunyo yangiliklari, dunyoda, muzokaralar, rossiya, ukraina, aqsh
yuriy ushakov, dunyo yangiliklari, dunyoda, muzokaralar, rossiya, ukraina, aqsh
Rossiya–AQSh–Ukraina muzokaralari: Ushakov sana va Yevropa ishtiroki haqida gapirdi
10:48 29.10.2026 (yangilandi: 10:49 29.10.2026) Rossiya, AQSh va Ukraina o‘rtasidagi uch tomonlama muzokaralar 4-noyabrdan keyin o‘tkazilishi mumkin. Aniq sana hali kelishilmagan.
TOShKENT, 29 okt — Sputnik. Rossiya, AQSh va Ukraina o‘rtasidagi uch tomonlama muzokaralar 4-noyabrdan keyin o‘tkazilishi kutilmoqda. Biroq uchrashuvning aniq sanasi hali kelishilmagan. Bu haqda Rossiya prezidenti yordamchisi Yuriy Ushakov jurnalistlarga ma’lum qildi, deb
xabar bermoqda RIA Novosti.
“Sana ham tez orada aniqlanadi. Biroq u 4-noyabrdan keyin bo‘lishi aniq”, — dedi Ushakov.
Uning so‘zlariga ko‘ra, navbatdagi muzokaralar muddati jang maydonidagi vaziyat va umumiy sharoitga ham bog‘liq bo‘ladi. Moskva hozircha uchrashuv sanasi bo‘yicha o‘z taklifini bildirmagan.
Shuningdek, Rossiya delegatsiyasining to‘liq tarkibi hali tasdiqlanmagan. Ushakovning ta’kidlashicha, delegatsiyaning asosiy o‘zagi shakllangan, qolgan a’zolar yaqin vaqt ichida aniqlanadi.
O‘z navbatida, Vladimir Zelenskiy Niderlandiya bosh vaziri Rob Yetten bilan Gaagada o‘tkazilgan matbuot anjumanida uchrashuv 6–10 noyabr kunlari Abu-Dabida bo‘lib o‘tishiga umid bildirdi.
“Har qanday holatda ham Abu-Dabida texnik darajada uch tomonlama uchrashuv o‘tkazishimiz kerak. Umid qilamanki, u 6–10 noyabr oralig‘ida bo‘ladi”, — dedi Zelenskiy.
Uning so‘zlariga ko‘ra, Kiyev Vashingtondan javob kutmoqda. Uchrashuvning aniq sanasi 4-noyabrdan keyin ma’lum bo‘lishi mumkin. Shu bilan birga, Yaqin Sharqdagi vaziyat sabab muzokaralar joyi o‘zgarishi ehtimoli ham istisno etilmayapti.
Ushakovning ma’lum qilishicha, hozircha muzokaralarda Yevropa vakillari qatnashish imkoniyat ko‘rib chiqilmayapti. Tomonlar faqat Rossiya, AQSh va Ukraina vakillari ishtirokida uch tomonlama maslahatlashuvlarni qayta tiklashga kelishgan.
U, xususan, Finlyandiya prezidenti Aleksandr Stubb va Norvegiya bosh vaziri Yonas Gar Storeni Yevropa nomidan muzokarachilar sifatida jalb qilish masalasi ham muhokama qilinmayotganini bildirdi.
Eslatib o‘tamiz, 21-oktabrda Vladimir Putinning AQSh prezidenti maxsus vakili Stiv Uitkoff bilan uchrashuvida uch tomonlama muzokaralarni qayta boshlash masalasi muhokama qilingan edi.
