YeOIIning jozibadorlik formulasi aytildi
© Sputnik / Vladislav Vodnev
/ Obuna bo‘lish
YeOIIni shakllantirish asosida a’zo mamlakatlarning xavfsiz va suveren rivojlanish formulasi bor, dedi Martinov.
TOShKENT, 14 okt – Sputnik. Yevroosiyo iqtisodiy ittifoqi (YeOII) nafaqat postsovet integratsiya maydoni sifatida shakllangan, balki Yevroosiyo mintaqasining boshqa davlatlari uchun ham jozibador bo‘lib bormoqda,
Eng yangi davlatlar xalqaro instituti (Rossiya) direktori Aleksey Martinov Sputnik multimedia matbuot markazida bo‘lib o‘tgan “O‘zgaruvchan dunyoda YeOII: integratsiya istiqbollari va yangi chaqiriqlar” mavzusidagi videoko‘prik chog‘ida shunday fikr bildirdi.
“YeOII sobiq Sovet Ittifoqi hududidagi integratsiya maydoni sifatida shakllandi. Bundan tashqari, u postsovet hududidan tashqariga chiqdi, bu ham muhim va rivojlanishning ma’lum yo‘nalishini anglatadi”, - deya ta’kidladi Martinov.
Uning so‘zlariga ko‘ra, YeOII nafaqat “ulkan geografiyasi”, balki uning asosiga qo‘yilgan noyob formulasi sabab ham mamlakatlar uchun jozibador bo‘lib qoldi.
“Ulkan geografiyadan tashqari, mamlakatlar va xalqlarni YeOIIda ishtirok etishga jalb qiladigan asosiy narsa bu o‘z vaqtida prezident Putin tomonidan shakllantirilgan formula – xavfsiz va suveren rivojlanish formulasidir”, - dedi Martinov va bu formuladagi har bir so‘z “chuqur ma’no”ga ega ekanligini ta’kidladi.
Shu bilan birga, u YeOII integratsiya maydoni sifatida mintaqaning turli mamlakatlari tomonidan tobora ko‘proq qiziqish uyg‘otayotganini qayd etdi.
“Bugungi kunda YeOII ham postsovet makoni mamlakatlari, ham, masalan, ShHT orqali butun Yevroosiyo makoni bilan u yoki bu darajada kesishadigan mamlakatlar ekanligini ko‘rayotganimiz bejiz emas”, - dedi Martinov.
YeOII
Yevroosiyo iqtisodiy ittifoqi (YeOII) - 2015-yil 1-yanvardan faoliyat yuritib kelayotgan xalqaro iqtisodiy birlashma. Ittifoqqa hozir Rossiya, Armaniston, Belarus, Qozog‘iston va Qirg‘iziston a’zodir. O‘zbekiston 2020-yilda YeOIIda kuzatuvchi maqomini oldi. Kuba, Eron ham kuzatuvchi maqomiga ega.
