https://oz.sputniknews.uz/20260902/sco-sammit-yakunlar-60133596.html
Toshkentdagi markaz, milliy valyutalar, 28 ta hujjat — ShHT sammiti yakunlari
Toshkentdagi markaz, milliy valyutalar, 28 ta hujjat — ShHT sammiti yakunlari
Sputnik O‘zbekiston
ShHTning Bishkek sammitida 28 ta hujjat qabul qilindi. Ular O‘zbekiston, Rossiya va mintaqa iqtisodiyotiga qanday ta’sir ko‘rsatishi mumkin?
2026-09-02T09:21+0500
2026-09-02T09:21+0500
2026-09-02T10:12+0500
shavkat mirziyoyev
shanxay hamkorlik tashkiloti (shht)
bishkek
siyosat
iqtisod
vladimir putin
markaziy osiyo
https://cdn1.img.sputniknews.uz/img/07ea/09/02/60134502_0:20:1280:740_1920x0_80_0_0_645d8a78da9f2f1a921aec9e8347f069.jpg
TOShKENT, 2 sen — Sputnik. Shanxay hamkorlik tashkilotining (ShHT) Bishkek sammiti yakunlari bo‘yicha 28 ta hujjat — davlat rahbarlari darajasida 24 ta qaror va yana to‘rtta hukumatlararo hamda idoralararo hujjat qabul qilindi. Bu haqda Qirg‘izistonning “Kabar” milliy axborot agentligi xabar berdi.Asosiy siyosiy hujjat ShHTning 25-yilligiga bag‘ishlangan Bishkek deklaratsiyasi bo‘ldi. Shuningdek, tashkilot Xartiyasiga o‘zgartirishlar kiritildi.O‘zbekiston uchun eng muhim natijalardan biri — Toshkentda joylashadigan ShHTning xavfsizlikka tahdid va xatarlarga qarshi kurashish universal markazi to‘g‘risidagi nizom tasdiqlangani. Sammitda 2026–2030 yillarda portlar va logistika markazlarini rivojlantirish rejasi ham qabul qilindi. Hujjat yangi avtomobil, temir yo‘l va multimodal yo‘laklarni rivojlantirishni nazarda tutadi. Bu dengizga chiqish imkoniga ega bo‘lmagan O‘zbekistonning tranzit salohiyatini oshirishi mumkin.Bundan tashqari, mintaqaviy ma’lumotlarni qayta ishlash markazlari va hisoblash quvvatlarini tashkil etish, ShHTda sun’iy intellekt sanoatini rivojlantirish konsepsiyasi tasdiqlandi. Tomonlar SI va iqlim o‘zgarishi sohalarida hamkorlik memorandumlarini imzoladi.Shuningdek, oila institutini qo‘llab-quvvatlash va mustahkamlash hamda favqulodda vaziyatlardan jabr ko‘rgan davlatlarga yordam ko‘rsatish to‘g‘risida bayonotlar qabul qilindi.ShHT Taraqqiyot banki esa hali tashkil etilmadi. Deklaratsiyada faqat muzokaralarda taraqqiyotga erishilgani qayd qilinib, ishni davom ettirish zarurligi ta’kidlandi.Universal markaz Toshkentda, Giyohvandlikka qarshi kurashish markazining ijroiya qo‘mitasi Dushanbeda, transmilliy uyushgan jinoyatchilikka qarshi tuzilma esa Bishkekda faoliyat yuritadi. Transport va logistika bo‘yicha qabul qilingan rejalar mintaqa davlatlarining Xitoy, Janubiy Osiyo va boshqa bozorlarga chiqish imkoniyatlarini kengaytirishi mumkin.Rossiya uchun muhim iqtisodiy natija milliy valyutalarda hisob-kitoblarni kengaytirish yo‘nalishining saqlab qolinishi bo‘ldi. Siyosiy jihatdan ShHT davlatlari bir tomonlama majburlov choralariga qarshi chiqdi, Eronga berilgan harbiy zarbalarni qoraladi va mojaroni diplomatik yo‘l bilan hal qilishga chaqirdi. Afg‘onistonda esa barcha etnosiyosiy guruhlar ishtirokida inklyuziv hukumat tuzish zarurligi ta’kidlandi.ShHTda raislik qilish Qirg‘izistondan Pokistonga o‘tdi. Navbatdagi sammitni kelasi yili Lahor shahrida o‘tkazish rejalashtirilgan.
https://oz.sputniknews.uz/20260901/mintaqaviy-tashiklotlar-bmt-faoliyatini-toldirishi-lozim--shavkat-mirziyoev---60128454.html
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
2026
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
Yangiliklar
uz_UZ
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
shavkat mirziyoyev, shanxay hamkorlik tashkiloti (shht), bishkek, siyosat, iqtisod, vladimir putin, markaziy osiyo
shavkat mirziyoyev, shanxay hamkorlik tashkiloti (shht), bishkek, siyosat, iqtisod, vladimir putin, markaziy osiyo
Toshkentdagi markaz, milliy valyutalar, 28 ta hujjat — ShHT sammiti yakunlari
09:21 02.09.2026 (yangilandi: 10:12 02.09.2026) Bishkek sammitida ShHT davlatlari xavfsizlik, transport, sun’iy intellekt va moliya sohalarida 28 ta muhim hujjat qabul qildi.
TOShKENT, 2 sen — Sputnik. Shanxay hamkorlik tashkilotining (ShHT) Bishkek sammiti yakunlari bo‘yicha 28 ta hujjat — davlat rahbarlari darajasida 24 ta qaror va yana to‘rtta hukumatlararo hamda idoralararo hujjat qabul qilindi. Bu haqda Qirg‘izistonning “Kabar” milliy axborot agentligi
xabar berdi.
Asosiy siyosiy hujjat ShHTning 25-yilligiga bag‘ishlangan Bishkek
deklaratsiyasi bo‘ldi. Shuningdek, tashkilot Xartiyasiga o‘zgartirishlar kiritildi.
O‘zbekiston uchun eng muhim natijalardan biri — Toshkentda joylashadigan ShHTning xavfsizlikka tahdid va xatarlarga qarshi kurashish universal markazi to‘g‘risidagi nizom tasdiqlangani.
Uning tarkibiga axborot xavfsizligi hamda transmilliy uyushgan jinoyatchilikka qarshi kurashish markazlari kiradi.
Sammitda 2026–2030 yillarda portlar va logistika markazlarini rivojlantirish rejasi ham qabul qilindi. Hujjat yangi avtomobil, temir yo‘l va multimodal yo‘laklarni rivojlantirishni nazarda tutadi. Bu dengizga chiqish imkoniga ega bo‘lmagan O‘zbekistonning tranzit salohiyatini oshirishi mumkin.
Bundan tashqari, mintaqaviy ma’lumotlarni qayta ishlash markazlari va hisoblash quvvatlarini tashkil etish, ShHTda sun’iy intellekt sanoatini rivojlantirish konsepsiyasi tasdiqlandi. Tomonlar SI va iqlim o‘zgarishi sohalarida hamkorlik memorandumlarini imzoladi.
Shuningdek, oila institutini qo‘llab-quvvatlash va mustahkamlash hamda favqulodda vaziyatlardan jabr ko‘rgan davlatlarga yordam ko‘rsatish to‘g‘risida bayonotlar qabul qilindi.
ShHT Taraqqiyot banki esa hali tashkil etilmadi. Deklaratsiyada faqat muzokaralarda taraqqiyotga erishilgani qayd qilinib, ishni davom ettirish zarurligi ta’kidlandi.
Markaziy Osiyo uchun sammit mintaqada ShHTning yangi xavfsizlik tizimini shakllantirdi.
Universal markaz Toshkentda, Giyohvandlikka qarshi kurashish markazining ijroiya qo‘mitasi Dushanbeda, transmilliy uyushgan jinoyatchilikka qarshi tuzilma esa Bishkekda faoliyat yuritadi. Transport va logistika bo‘yicha qabul qilingan rejalar mintaqa davlatlarining Xitoy, Janubiy Osiyo va boshqa bozorlarga chiqish imkoniyatlarini kengaytirishi mumkin.
Rossiya uchun muhim iqtisodiy natija milliy valyutalarda hisob-kitoblarni kengaytirish yo‘nalishining saqlab qolinishi bo‘ldi.
Vladimir Putinning aytishicha, Rossiyaning ShHT mamlakatlari bilan savdosi 2025-yilda 400 mlrd dollardan oshgan, hisob-kitoblarda milliy valyutalar ulushi esa 98 foizdan yuqoriga yetgan.
Siyosiy jihatdan ShHT davlatlari bir tomonlama majburlov choralariga qarshi chiqdi, Eronga berilgan harbiy zarbalarni qoraladi va mojaroni diplomatik yo‘l bilan hal qilishga chaqirdi. Afg‘onistonda esa barcha etnosiyosiy guruhlar ishtirokida inklyuziv hukumat tuzish zarurligi ta’kidlandi.
ShHTda raislik qilish Qirg‘izistondan Pokistonga o‘tdi. Navbatdagi sammitni kelasi yili Lahor shahrida o‘tkazish rejalashtirilgan.
