https://oz.sputniknews.uz/20260831/mirziyoev-si-tszinpin-muzokaralar-60103419.html
Savdoni 30 mlrd dollarga yetkazish va BYD: Mirziyoyev va Si Szinpin muzokaralari tafsilotlari
Savdoni 30 mlrd dollarga yetkazish va BYD: Mirziyoyev va Si Szinpin muzokaralari tafsilotlari
Sputnik O‘zbekiston
O‘zbekiston va Xitoy o‘zaro savdoni 30 mlrd dollarga yetkazish, BYD ishlab chiqarishini mahalliylashtirish, yangi aviayo‘nalishlar ochish, ta’lim kvotalarini oshirish va kosmik loyihalarni boshlashni muhokama qildi.
2026-08-31T17:13+0500
2026-08-31T17:13+0500
2026-08-31T17:17+0500
si szinpin
siyosat
hamkorlik
shanxay hamkorlik tashkiloti (shht)
shavkat mirziyoyev
xitoy
o‘zbekiston
iqtisod
https://cdn1.img.sputniknews.uz/img/07ea/08/1f/60103099_0:99:1900:1168_1920x0_80_0_0_01b8513bbccd57738a978efab65c7e1b.jpg
TOShKENT, 31 avg — Sputnik. Bishkekdagi Shanxay hamkorlik tashkiloti sammiti doirasida O‘zbekiston prezidenti Shavkat Mirziyoyev va Xitoy Xalq Respublikasi raisi Si Szinpin muzokara o‘tkazdi. Bu haqda prezident matubot xizmati xabar berdi.Uchrashuvda ikki mamlakat o‘rtasidagi tovar ayirboshlash hajmini yaqin yillarda 30 mlrd dollarga yetkazish taklif qilindi. O‘tgan yili o‘zaro savdo qariyb 18 mlrd dollarni tashkil etgan.Yangi marraga erishish uchun sanoat va qishloq xo‘jaligi mahsulotlarini o‘zaro yetkazib berishni ko‘paytirish, shuningdek, O‘zbekiston korxonalarining Xitoydagi savdo ko‘rgazmalaridagi ishtirokini kengaytirish rejalashtirilmoqda.Energetika, kimyo va tog‘-kon sanoati, metallurgiya, qurilish materiallari, oziq-ovqat mahsulotlari, transport, infratuzilma, qishloq xo‘jaligi hamda yuqori texnologiyalar sanoat kooperatsiyasining ustuvor yo‘nalishlari sifatida belgilandi.BYD bilan elektromobillar ishlab chiqarish quvvatlarini oshirish va mahalliylashtirish darajasini kengaytirish rejalari qo‘llab-quvvatlandi. Xitoy kompaniyalariga O‘zbekiston hududlarida tashkil etilayotgan qo‘shma sanoat zonalarida yangi korxonalar ochish taklif qilindi.Tomonlar Xitoy moliya institutlarining O‘zbekistondagi loyihalarda ishtirokini kengaytirish, ikki mamlakat shaharlari o‘rtasida yangi aviayo‘nalishlar ochish va parvozlar sonini ko‘paytirish masalalarini ham muhokama qildi.Xitoy tilini o‘rganish imkoniyatlarini kengaytirish, oliy ta’lim muassasalarining qo‘shma dasturlarini ko‘paytirish va o‘zbekistonlik yoshlarning Xitoyda tahsil olishi uchun kvotalarni oshirishga qiziqish bildirildi. "Lu Ban ustaxonalari" va Konfutsiy institutlari faoliyati davom ettiriladi.Kosmosni o‘zlashtirish ham yangi hamkorlik yo‘nalishlaridan biri sifatida belgilandi. Mirziyoyev Si Szinpinni O‘zbekistonga tashrif bilan kelishga taklif qildi.
https://oz.sputniknews.uz/20250902/uzbekistan-china-etakchilar-uchrashuv-51661235.html
xitoy
o‘zbekiston
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
2026
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
Yangiliklar
uz_UZ
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
si szinpin, siyosat, hamkorlik, shanxay hamkorlik tashkiloti (shht), shavkat mirziyoyev, xitoy, o‘zbekiston, iqtisod
si szinpin, siyosat, hamkorlik, shanxay hamkorlik tashkiloti (shht), shavkat mirziyoyev, xitoy, o‘zbekiston, iqtisod
Savdoni 30 mlrd dollarga yetkazish va BYD: Mirziyoyev va Si Szinpin muzokaralari tafsilotlari
17:13 31.08.2026 (yangilandi: 17:17 31.08.2026) Tomonlar BYD ishlab chiqarishini kengaytirish, yangi sanoat zonalari, aviaqatnovlar va ta’lim loyihalarini muhokama qildi.
TOShKENT, 31 avg — Sputnik. Bishkekdagi Shanxay hamkorlik tashkiloti sammiti doirasida O‘zbekiston prezidenti Shavkat Mirziyoyev va Xitoy Xalq Respublikasi raisi Si Szinpin muzokara o‘tkazdi. Bu haqda prezident matubot xizmati
xabar berdi.
Uchrashuvda ikki mamlakat o‘rtasidagi tovar ayirboshlash hajmini yaqin yillarda 30 mlrd dollarga yetkazish taklif qilindi. O‘tgan yili o‘zaro savdo qariyb 18 mlrd dollarni tashkil etgan.
Yangi marraga erishish uchun sanoat va qishloq xo‘jaligi mahsulotlarini o‘zaro yetkazib berishni ko‘paytirish, shuningdek, O‘zbekiston korxonalarining Xitoydagi savdo ko‘rgazmalaridagi ishtirokini kengaytirish rejalashtirilmoqda.
Energetika, kimyo va tog‘-kon sanoati, metallurgiya, qurilish materiallari, oziq-ovqat mahsulotlari, transport, infratuzilma, qishloq xo‘jaligi hamda yuqori texnologiyalar sanoat kooperatsiyasining ustuvor yo‘nalishlari sifatida belgilandi.
BYD bilan elektromobillar ishlab chiqarish quvvatlarini oshirish va mahalliylashtirish darajasini kengaytirish rejalari qo‘llab-quvvatlandi. Xitoy kompaniyalariga O‘zbekiston hududlarida tashkil etilayotgan qo‘shma sanoat zonalarida yangi korxonalar ochish taklif qilindi.
Tomonlar Xitoy moliya institutlarining O‘zbekistondagi loyihalarda ishtirokini kengaytirish, ikki mamlakat shaharlari o‘rtasida yangi aviayo‘nalishlar ochish va parvozlar sonini ko‘paytirish masalalarini ham muhokama qildi.
Yil oxirigacha Xitoyda O‘zbekiston madaniyati kunlarini o‘tkazish rejalashtirilgan. Shuningdek, 2027–2029 yillarga mo‘ljallangan qo‘shma madaniy tadbirlar dasturini qabul qilish taklif etildi.
Xitoy tilini o‘rganish imkoniyatlarini kengaytirish, oliy ta’lim muassasalarining qo‘shma dasturlarini ko‘paytirish va o‘zbekistonlik yoshlarning Xitoyda tahsil olishi uchun kvotalarni oshirishga qiziqish bildirildi. "Lu Ban ustaxonalari" va Konfutsiy institutlari faoliyati davom ettiriladi.
Kosmosni o‘zlashtirish ham yangi hamkorlik yo‘nalishlaridan biri sifatida belgilandi. Mirziyoyev Si Szinpinni O‘zbekistonga tashrif bilan kelishga taklif qildi.
