Nega O‘zbekiston termasi guruhdan chiqa olmadi — Nepomnyashiy Kannavaroning xatolarini aytdi

“Ehtimol, bu haqda gapirishim unchalik to‘g‘ri emasdir, lekin jamoani Timur Kapadze boshqarishi kerak edi deb hisoblayman. Menimcha, Kannavaro futbolchilarning saviyasini to‘g‘ri baholay olmadi va o‘yinlar uchun to‘g‘ri taktikani belgilay olmadi. U o‘yinchilarning eng yaxshi fazilatlaridan foydalanishi kerak edi, ularni o‘z g‘oyasi uchun tanlamasligi kerak edi. Ular bilan uzoq vaqt ishlagan Kapadze esa ularning imkoniyatlarini yaxshiroq biladi. Birinchi o‘yinda jamoa biroz siqilib, juda ehtiyotkorlik bilan o‘ynadi, ikkinchisida esa, aksincha, juda tavakkalchilik bilan harakat qildi”, — dedi Nepomnyashiy.

“Uchinchi o‘yinda nimadir o‘nglandi, lekin rost, raqib ham unchalik kuchli emasdi. Men xafa bo‘ldim, chunki O‘zbekiston terma jamoasi uchinchi o‘rindan keyingi bosqichga chiqishi kerak edi deb hisoblardim. Lekin unday bo‘lmadi. Biz bilgan o‘yinchilar o‘zlarini yetarlicha yorqin namoyon etishdi. Lekin bunday tarkib bilan, albatta, mudofaada o‘ynash va qarshi hujumga o‘tish mumkin bo‘lgan paytlarni payqash kerak edi. Bu imkoniyatlardan foydalanishi mumkin bo‘lgan o‘yinchilar ham bor. Portugaliya yoki Kolumbiya bilan tengma-teng o‘ynashga urinish mutlaqo noto‘g‘ri edi”, — deya qo‘shimcha qildi u.