AQSh Eronga yangi zarbalar berish rejasini ko‘rib chiqmoqda — WSJ
AQSh Eronga yangi zarbalar berish rejasini ko‘rib chiqmoqda — WSJ
Sputnik O‘zbekiston
Islomoboddagi muzokaralar natijasiz yakunlanganidan so‘ng AQSh Eron portlari bo‘yicha blokadani boshlashini e’lon qildi. WSJ ma’lumotiga ko‘ra, Vashington cheklangan yangi zarbalar variantini ham ko‘rib chiqmoqda.
TOShKENT, 13 apr — Sputnik. Donald Tramp ma’muriyati Eronga qarshi yangi zarbalar berish imkoniyatini muhokama qilmoqda. Bu haqda The Wall Street Journal o‘z manbalariga tayanib ma’lum qildi, deb xabar berdi RIA Novosti.Nashr yozishicha, bu variant Islomoboddagi muzokaralar natijasiz yakunlanganidan keyin Oq uyda ko‘rib chiqilgan.Shu bilan birga, Vashington Eronga bosimni boshqa yo‘nalishda ham kuchaytirdi. AQSh harbiylari Eron portlariga kiruvchi va chiquvchi barcha dengiz transportiga nisbatan blokada boshlanishini rasman e’lon qildi. Rasmiy ma’lumotlarga ko‘ra, blokada 13-aprel kuni Vashington vaqti bilan soat 10:00 da kuchga kirishi bildirildi.Bayonotga ko‘ra, chora Eronning mazkur hududdagi barcha portlariga tatbiq etiladi. Ayni paytda Ho‘rmuz bo‘g‘ozi orqali Eronga tegishli bo‘lmagan portlar tomon harakatlanayotgan kemalarning o‘tishiga to‘sqinlik qilinmasligi qayd etilgan.Associated Press ta’kidlashicha, Vashington bu orqali bir tomondan Tehronning neft eksportidan tushayotgan tushumlariga zarba berishni, ikkinchi tomondan esa Eronning bo‘g‘oz orqali bosim o‘tkazish imkoniyatlarini cheklashni ko‘zlamoqda.Vashingtonning yangi qadami nafaqat siyosiy, balki iqtisodiy oqibatlarga ham olib keldi. Ma’lumotlarga ko‘ra, blokada haqidagi bayonotlardan keyin neft narxi keskin ko‘tarildi: Brent markali neft 100 dollardan oshdi, WTI ham sezilarli qimmatlashdi. Tankerlar harakati sekinlashgani va ayrim kemalar Hurmuz bo‘g‘oziga kirishdan tiyilgani haqida ham xabarlar bor.Eron Islom inqilobi qo‘riqchilari korpusi ham harbiy kemalarning bo‘g‘oz yaqiniga kelishini o‘t ochishni to‘xtatish rejimi buzilishi deb baholashini ma’lum qilgan.
aqsh, eron, hurmuz bo‘g‘ozi, islomobod, donald tramp, jey di vens, wall street journal, reuters, centcom, eron blokadasi, cheklangan zarbalar, neft narxi, dengiz transporti
aqsh, eron, hurmuz bo‘g‘ozi, islomobod, donald tramp, jey di vens, wall street journal, reuters, centcom, eron blokadasi, cheklangan zarbalar, neft narxi, dengiz transporti
AQSh Eronga yangi zarbalar berish rejasini ko‘rib chiqmoqda — WSJ
Tramp ma’muriyati Islomoboddagi muzokaralardan so‘ng Ho‘rmuzda blokada e’lon qilib, Eronga yangi zarbalar ehtimolini ko‘rib chiqmoqda. Tehron bunga javob qaytarishdan ogohlantirdi.
TOShKENT, 13 apr — Sputnik. Donald Tramp ma’muriyati Eronga qarshi yangi zarbalar berish imkoniyatini muhokama qilmoqda. Bu haqda The Wall Street Journal o‘z manbalariga tayanib ma’lum qildi, deb xabar berdi RIA Novosti.
Nashr yozishicha, bu variant Islomoboddagi muzokaralar natijasiz yakunlanganidan keyin Oq uyda ko‘rib chiqilgan.
Bundan tashqari, AQSh prezidenti ritorikasi ham keskinlashdi. Reuters yozishicha, Tramp yakshanba kuni Eronga qarshi zarbalarni qayta boshlash ehtimoliga ishora qildi. The Wall Street Journal esa cheklangan zarbalar varianti muzokaralardan keyingi navbatdagi bosim chorasi sifatida muhokama qilinayotganini ta’kidladi.
Shu bilan birga, Vashington Eronga bosimni boshqa yo‘nalishda ham kuchaytirdi. AQSh harbiylari Eron portlariga kiruvchi va chiquvchi barcha dengiz transportiga nisbatan blokada boshlanishini rasman e’lon qildi. Rasmiy ma’lumotlarga ko‘ra, blokada 13-aprel kuni Vashington vaqti bilan soat 10:00 da kuchga kirishi bildirildi.
Bayonotga ko‘ra, chora Eronning mazkur hududdagi barcha portlariga tatbiq etiladi. Ayni paytda Ho‘rmuz bo‘g‘ozi orqali Eronga tegishli bo‘lmagan portlar tomon harakatlanayotgan kemalarning o‘tishiga to‘sqinlik qilinmasligi qayd etilgan.
Associated Press ta’kidlashicha, Vashington bu orqali bir tomondan Tehronning neft eksportidan tushayotgan tushumlariga zarba berishni, ikkinchi tomondan esa Eronning bo‘g‘oz orqali bosim o‘tkazish imkoniyatlarini cheklashni ko‘zlamoqda.
Vashingtonning yangi qadami nafaqat siyosiy, balki iqtisodiy oqibatlarga ham olib keldi. Ma’lumotlarga ko‘ra, blokada haqidagi bayonotlardan keyin neft narxi keskin ko‘tarildi: Brent markali neft 100 dollardan oshdi, WTI ham sezilarli qimmatlashdi. Tankerlar harakati sekinlashgani va ayrim kemalar Hurmuz bo‘g‘oziga kirishdan tiyilgani haqida ham xabarlar bor.
Ekspertlar esa bu ssenariy oson amalga oshmasligini aytmoqda. Reuters suhbatlashgan mutaxassislarga ko‘ra, bunday blokada ochiq muddatli va katta harbiy resurs talab qiladigan operatsiya bo‘lib, u Tehron tomonidan yangi javob zarbalariga turtki berishi mumkin.
Eron Islom inqilobi qo‘riqchilari korpusi ham harbiy kemalarning bo‘g‘oz yaqiniga kelishini o‘t ochishni to‘xtatish rejimi buzilishi deb baholashini ma’lum qilgan.
Eslatib o‘tmiz, Tramp o‘tgan hafta Tehron bilan ikki haftalik o‘t ochishni to‘xtatish bo‘yicha kelishuvga erishilganini e’lon qilganidan so‘ng, shanba kuni Eron va AQSh Islomobodda muzokaralarni boshlagan edi.
Yakshanba kuni ertalab AQSh delegatsiyasiga boshchilik qilgan vitse-prezident Jey Di Vens tomonlar uzoq muzokaralarga qaramay kelishuvga erisha olmaganini va Amerika delegatsiyasi vatanga qaytayotganini bildirdi.
Keyinroq Tramp Eron Vashington bilan muzokaralarga qaytishi yoki qaytmasligi unga “farqi yo‘q”ligini aytdi
