Abdug‘appor Qo‘chqorov “Dunyoning yosh baleti” xalqaro musobaqasida uchinchi o‘rinni egalladi

© Sputnik / Vladimir AlekseyevBalet Lazgi na ssene Bolshogo teatra v Moskve.
Balet Lazgi na ssene Bolshogo teatra v Moskve. - Sputnik O‘zbekiston, 1920, 13.10.2025
Obuna bo‘lish
Abdug‘appor Qo‘chqorov xalqaro balet tanlovida uchinchi o‘rinni egalladi. Tanlov akademik balet, xalq raqsi va zamonaviy xoreografiya yo‘nalishlarini qamrab oldi.
TOShKENT, 13 okt – Sputnik. Sochida bo‘lib o‘tgan Yuriy Grigorovich nomidagi “Dunyoning yosh baleti” X xalqaro tanlovida o‘zbekistonlik baletchi Abdug‘appor Qo‘chqorov uchinchi o‘rinni egalladi.
Yubiley tanlovi o‘zining asoschisi va doimiy badiiy rahbari, taniqli xoreograf, SSSR xalq artisti Yuriy Grigorovich xotirasiga bag‘ishlandi. Grigorovich 2025-yil 19-may kuni 99 yoshida vafot etgan edi.

Bu yilgi tanlovda O‘zbekiston, Rossiya, Belarus, Braziliya, Bolgariya, Sloveniya, Janubiy Koreya, Yaponiya, Paragvay, Qozog‘iston, Turkiya va Qirg‘izistondan kelgan yosh balet ustalari ishtirok etdi. Musobaqa ikki yosh toifasida — kichik va katta guruhlarda o‘tkazildi.

Tanlov dasturi akademik balet klassikasi, xalq raqsi va zamonaviy xoreografiyani o‘z ichiga oldi. Barcha ishtirokchilar uchta murakkab turda o‘z mahoratini namoyon qildi.
Qizlar o‘rtasidagi katta guruhda barcha mukofotlar rossiyalik ishtirokchilarga nasib etgan bo‘lsa, erkaklar o‘rtasida birinchi o‘rinni rossiyalik Denis Mazanov, ikkinchini qozog‘istonlik Aqil Juaz, uchinchini esa o‘zbekistonlik Abdug‘appor Qo‘chqorov qo‘lga kiritdi.
Toshkentda Rossiya san’ati festivali ochildi - Sputnik O‘zbekiston, 1920, 24.09.2025
Rossiyadan Toshkentga "San’at olami" karvoni yetib keldi – video
Yangiliklar lentasi
0