Qalampirli, qazili va yog‘siz: Samarqandda palov tayyorlash bo‘yicha chempionat bo‘lib o‘tdi
14:59 02.08.2025 (yangilandi: 15:21 02.08.2025)
© Sputnik
Obuna bo‘lish
Eksklyuziv
Tanlov ishtirokchilari O‘zbekistonning turli hududlari vakillari bo‘lib, ularning har biri o‘ziga xos yondashuvi bilan hayratga solishga harakat qilishdi.
TOShKENT, 2 avg – Sputnik. Samarqanddagi Sulton Xovand beka tarixiy ansambli hududida Xalqaro palov festivali ochildi. U mamlakatning eng yaxshi oshpazlari tanlovi bilan boshlandi: 14 nafar ishtirokchi va ularning yordamchilari 5 kilogrammlik palov tayyorlab, nafaqat an’anaviy retseptlar bo‘yicha bilimini, balki pazandalik jasoratini ham namoyish etdi, deb xabar bermoqda Sputnik O‘zbekiston muxbiri.
V Samarkande proxodit Mejdunarodniy festival plova.
© Sputnik
Tanlov ishtirokchilari O‘zbekistonning turli hududlari vakillari bo‘lib, ularning har biri o‘ziga xos yondashuvi bilan hayratga solishga harakat qilishdi.
“Mamlakatimizda palov shunchaki taom emas, balki butun madaniyat qatlami hisoblanadi. Hududga qarab turli navdagi guruch, ziravorlar, go‘sht ishlatiladi. Masalan, Farg‘onada devzirada palov damlanadi, Xorazmda lazer, Qashqadaryoda esa alanga guruchi mashhur. Har bir viloyatning o‘ziga xos an’analari va ta’mlari bor”, - deydi O‘zbekiston oshpazlar uyushmasi a’zosi Ahmad Hamdamov.
Tanlov ochiq havoda bo‘lib o‘tdi va ikki soatdan ortiq davom etdi.
V Samarkande proxodit Mejdunarodniy festival plova.
© Sputnik
Yigirma yildan ortiq umrini o‘zbek oshxonasiga bag‘ishlagan buxorolik Firdavs Sodiqov “imperatorlik” deb atalmish variantni taqdim etdi. Unda barcha mahsulotlar qovurilmaydi, balki qaynatiladi: go‘sht, piyoz, ziravorlar, guruch alohida pishiriladi va faqat oxirida ozgina yog‘ qo‘shiladi. Uning so‘zlariga ko‘ra, bu taomni yengilroq qiladi.
V Samarkande proxodit Mejdunarodniy festival plova.
© Sputnik
Toshkentlik oshpaz Botir Rahmonov esa boshqacha yo‘l tutdi – uning palovi juda achchiq bo‘lib chiqdi. U palovga deyarli yarim kilogramm qalampir, shuningdek, qazi va ot yog‘i qo‘shdi.
“Kuniga bir tonna palov pishiramiz, bir necha soatda yo‘q bo‘lib ketadi”, — deydi u.
Sirdaryolik yosh oshpaz Mironshoh Rajabov palov faqat dumba yog‘i bilan tayyorlansa, boshqacha mazali bo‘lishiga ishonadi. Qashqadaryolik oshpaz Baxtiyor Olimov esa palovda asosiysi go‘sht ekanligiga amin.
V Samarkande proxodit Mejdunarodniy festival plova.
© Sputnik
“Kim go‘shtni yaxshi ko‘rsa, bizning palovni albatta qadrlaydi. 5 kilogramm guruchga 7 kilogramm go‘sht qo‘yamiz”, - deydi qashqadaryolik oshpaz.
V Samarkande proxodit Mejdunarodniy festival plova.
© Sputnik
Bir so‘z bilan aytganda, har bir oshpaz nafaqat hakamlar hay’ati a’zolarini, balki palov tayyorlash jarayonini kuzatgan tomoshabinlarni ham hayratda qoldirishga harakat qildi. Hakamlar hay’ati nafaqat ta’mni, balki texnikani, retseptning o‘ziga xosligini va pazandalik an’analariga muvofiqlikni ham baholadi. Birorta ham tomoshabin palov tatimay ketmadi.
V Samarkande proxodit Mejdunarodniy festival plova.
© Sputnik
Tanlov natijalari 3-avgust kuni “Boqiy shahar” bog‘ida yetti tonnalik palov tayyorlash jarayonida e’lon qilinadi. Ertaga poytaxtlik taniqli san’atkorlar ishtirokida gala-konsert ham bo‘lib o‘tadi.
