Hisorakda yana bir kichik GES qurildi
© Press-slujba prezidenta Uzbekistana
Obuna bo‘lish
Davlat rahbariga daryo suvidan energiya olish bo‘yicha kelgusi rejalar haqida axborot berildi.
TOShKENT, 20-iyun — Sputnik. Prezident Shavkat Mirziyoyev Shahrisabz tumanidagi “Hisorak” suv ombori yaqinida barpo etilgan Hisorak kichik gidro elektr stansiyasini ko‘zdan kechirdi. Bu haqda prezident matbuot xizmati xabar berdi.
V Gissarake postroyena yeshe odna malaya gidroelektrostansiya
© Press-slujba prezidenta Uzbekistana
Hisorak suv ombori 1987-yilda qurilgan bo‘lib, 2004-yilda kapital rekonstruksiya qilingan. Hududda 2011-yilda ishga tushirilgan quvvati 45 MVt bo‘lgan asosiy Hisorak GES ham mavjud bo‘lib, yiliga 80 million kilovatt soat elektr energiyasi ishlab chiqaradi. Bu esa o‘rtacha hisobda 33 ming xonadonning yillik elektr energiyasi ehtiyojini qoplaydi.
V Gissarake postroyena yeshe odna malaya gidroelektrostansiya
© Press-slujba prezidenta Uzbekistana
“O‘zbekgidroenergo” aksiyadorlik jamiyati tomonidan kichik va mikro GESlar barpo etilib, foydalanishga topshirilmoqda.
Shahrisabz tumanida energetik quvvati 3,5 MVtga teng, yiliga o‘rtacha 17,5 million kilovatt soat elektr energiyasi ishlab chiqaruvchi Hisorak kichik GESi shular jumlasidan. Uning qurilishi to‘liq mahalliylashtirish doirasida amalga oshirildi. Loyihaning qiymati 1,5 million dollarni tashkil etadi. GES faoliyati natijasida yiliga o‘rtacha 5 million metr kub tabiiy gaz tejaladi. Bu yerda ishlab chiqariladigan elektr energiya 7 ming 300 ta xonadonga yetadi.
Davlat rahbariga daryo suvidan energiya olish bo‘yicha kelgusi rejalar haqida axborot berildi.
V Gissarake postroyena yeshe odna malaya gidroelektrostansiya
© Press-slujba prezidenta Uzbekistana
Ta’kidlanishicha, eng muhim loyihalardan biri — kelgusi ikki yil ichida umumiy quvvati 12 MVt bo‘lgan 416 ta kinetik turbinali mikro GES qurish rejasi. Bu mikro GESlar ariq va kanallardagi suv oqimidan samarali energiya ishlab chiqarish imkonini beradi.
V Gissarake postroyena yeshe odna malaya gidroelektrostansiya
© Press-slujba prezidenta Uzbekistana
Hozirda viloyatda umumiy quvvati 49 MVt bo‘lgan 3 ta GES faoliyat yuritmoqda. Istiqboldagi loyihalar tufayli bu ko‘rsatkich sezilarli darajada oshishi kutilmoqda. Gidroenergetika orqali viloyatda aholi elektr energiyasi iste’molining 15 foizini qoplash maqsad qilingan.
O‘zbekistonda so‘nggi sakkiz yil ichida elektr energiyasi ishlab chiqarish 38 foizga oshib, 81,5 milliard kVt/soatga yetdi. Joriy yilda respublika bo‘ylab umumiy quvvati 24,7 MVt bo‘lgan 5 ta yangi kichik GES foydalanishga topshirilishi rejalashtirilgan.
