O‘zbekiston energetika sektoriga qanday kadrlar kerak — mutaxassislar javobi
© Sputnik / Maksim Blinov
Obuna bo‘lish
Eksklyuziv
Energetika vaziri o‘rinbosari: O‘zbekiston energetikasining kelajagi kadrlar tayyorlashga bog‘liq.
TOShKENT, 21-may — Sputnik. "Moskva energetika instituti" (MEI) milliy tadqiqot universitetining Toshkent filialida "O‘zbekiston uchun energetika sohasida yuqori malakali kadrlar tayyorlash" mavzusida konferensiya bo‘lib o‘tdi, deya xabar berdi Sputnik O‘zbekiston muxbiri.
Tadbirda oliy ta’lim, fan va innovatsiyalar, shuningdek, energetika vazirliklari, tarmoq korxonalari, bosh oliy ta’lim muassasasi, Toshkent davlat texnika universiteti va boshqa tashkilotlar vakillari ishtirok etdi.
Konferensiya v NIU MEI
© Sputnik / Aleksandra Terexina
Unda O‘zbekiston oliy ta’lim, fan va innovatsiyalar vazirining birinchi o‘rinbosari Shohrux Daliyev so‘zga chiqdi. Uning qayd etishicha, o‘tgan yili prezidenti Shavkat Mirziyoyev "ta’lim - fan - ishlab chiqarish - korxona" tamoyili asosida respublika muhandislik-sanoat tarmoqlari uchun amaliyotchi mutaxassislar tayyorlash bo‘yicha strategik ko‘rsatma bergan edi.
Konferensiya v NIU MEI
© Sputnik / Aleksandra Terexina
"O‘zbekistonning bugun bu yerda yig‘ilgan energobloki, barcha rahbarlar aynan shunday kadrlar tayyorlash amaliy zanjiridan manfaatdor deb hisoblayman. Bilamizki, O‘zbekistonning 2020-2030 yillarga mo‘ljallangan yoqilg‘i-energetika ta’minoti strategiyasida ushbu segmentdagi sanoat blokini tezda transformatsiya qilish ko‘zda tutilgan va biz uni kadrlar bilan ta’minlashimiz kerak", — dedi u.
Energetika vaziri o‘rinbosari Umid Madaminovning qayd etishicha, O‘zbekiston energetikasining kelajagi kadrlar tayyorlashga bog‘liq.
Toshkentda murakkab texnik muammolarni hal qila oladigan, raqamlashtirish sharoitida ishlaydigan va energetika sektorini o‘zgartirishda faol ishtirok etadigan muhandislik mutaxassislarini tayyorlash bo‘yicha jiddiy markaz sifatida o‘zini ko‘rsatgan "MEI” milliy tadqiqot universiteti filialining tashkil etilishi muhim qadam bo‘ldi.
Uning qo‘shimcha qilishicha, jadal global o‘zgarishlar sharoitida respublikaga yanada kuchli tayyorgarlikka ega, nafaqat mavjud texnologiyalar bilan ishlashga, balki yangilarini yaratishga qodir, faqatgina ko‘rsatmalarni bajaruvchi emas, balki loyihalarni boshlaydigan va ularning dvigateliga aylanuvchi mutaxassislar kerak.
"Shuning uchun biz amaliy tayyorgarlik sa’y-harakatlari, qo‘shma laboratoriyalar yaratish, dual ta’lim, akademik mobillik va amaliy tadqiqotlarni joriy etish tarafdorimiz. O‘zbekiston energetikasiga texnikaviy fikr yetakchilari kerak va bugungi kabi konferensiyalar ta’lim va ishlab chiqarish hamda ilm-fan o‘rtasida ko‘priklar qurish imkonini beradi," — deya qo‘shimcha qildi u.
Universitet prorektori Aleksandr Tarasov Toshkent filialining missiyasi va maqsadli modeli haqida batafsil to‘xtalib, bosh oliy ta’lim muassasasining O‘zbekistonda ham amalga oshirilishi rejalashtirilgan ta’lim loyihalari haqida so‘zlab berdi.
Konferensiya v NIU MEI
© Sputnik / Aleksandra Terexina
Gap 10 yoshdan oshgan bolalar uchun "Yosh energetik" ilmiy-ko‘ngilochar kurslari haqida ketmoqda. Ular maktab o‘quvchilarini energetika bilan tanishtirishdan tortib, soha professionalini shakllantirish, olimpiadalar, sayyor maktablar, kasbga yo‘naltirish tadbirlari, energiya to‘garaklari kabi kadrlar zaxirasini shakllantirishning uzluksiz tizimini yaratishga imkon beradi.
“Mutaxassislarni tayyorlash doirasida butun o‘quv jarayonini energetika sohasidagi tarmoq korxonalari bilan muvofiqlashtirish zarur," — dedi u.
Konferensiya v NIU MEI
© Sputnik / Aleksandra Terexina
Shuningdek, konferensiya doirasida Toshkent davlat texnika universiteti rektori Sadriddin Turobjonov, "O‘zbekgidroenergo," "O‘zbekiston milliy elektr tarmoqlari," "Hududiy elektr tarmoqlari" va "Issiqlik elektr stansiyalari" aksiyadorlik jamiyatlari vakillari so‘zga chiqdi.
Ular talabalar va professor-o‘qituvchilar bilan tashkilotlar haqida ma’lumot berib, talabalar amaliyoti, kasbga yo‘naltirish ishlari va ishga joylashish bo‘yicha o‘z takliflarini bildirdi.
Shohrux Daliyev yozgi ta’til paytida yoshlarni ish bilan ta’minlash uchun qurilish otradlarini tashkil etish tashabbusini alohida ta’kidladi.
Konferensiya v NIU MEI
© Sputnik / Aleksandra Terexina
Rasmiy qismdan so‘ng talabalar bo‘lajak ish beruvchilar - O‘zbekiston energetika sanoati korxonalari vakillari bilan suhbatlashishdi. Mehmonlar esa filial zalida joylashtirilgan talabalar ishlarining kichik ko‘rgazmasi bilan tanishdi.
