“Ushbu maskan butun xalqimizga muborak bo‘lsin” — Xorazmda “Arda Xiva” turizm markazi ochildi
© Press-slujba prezidenta Uzbekistana
Obuna bo‘lish
Mirziyoyev o‘z nutqida viloyatning buyuk o‘tmishi va bugungi turizm salohiyati haqida so‘zladi.
TOShKENT, 2-may — Sputnik. Xiva shahrida “Arda Xiva” xalqaro turizm markazining tantanali ochilish marosimi bo‘ldi. Shavkat Mirziyoyev marosimda ishtirok etdi, deb xabar bermoqda prezident matbuot xizmati.
Mirziyoyev o‘z nutqida viloyatning buyuk o‘tmishi va bugungi turizm salohiyati haqida so‘zladi.
V gorode Xive sostoyalas torjestvennaya seremoniya otkritiya mejdunarodnogo turisticheskogo sentra "Arda Xiva". Na meropriyatii vistupil Prezident Shavkat Mirziyoyev
© Press-slujba prezidenta Uzbekistana
“Xorazm dunyo sivilizatsiyasi va madaniyatiga bebaho hissa qo‘shgan Sharq gavharidir. Bu ko‘hna yurt jahonga dong‘i ketgan ne-ne olimu fozillar, sarkarda va sultonlar, aziz avliyolar, betakror shoir va hofizlar vatanidir”, – deya ta’kidladi davlat rahbari.
Bu yerdagi muhtasham tarixiy obidalar bebaho boylik ekani qayd etildi.
“Arda Xiva” xalqaro turistik maskanida 17 ta mehmonxona va mehmon uylari, 9 ta restoran, ochiq va yopiq akvaparklar, 3 ming o‘rinli amfiteatr, 5 ta kino va konsert zali, ko‘rgazmalar paviloni, 70 ta do‘kon, 300 ta savdo rastasi, 11 ta hunarmandlar uyi, Sharq bozori va zargarlik markazi, favvoralar, sohil bo‘yi yo‘lagi bor.
V gorode Xive sostoyalas torjestvennaya seremoniya otkritiya mejdunarodnogo turisticheskogo sentra "Arda Xiva". Na meropriyatii vistupil Prezident Shavkat Mirziyoyev
© Press-slujba prezidenta Uzbekistana
Bunday ishlar hisobidan viloyatga turistlar oqimi qo‘shimcha ravishda 1 million nafarga oshadi, xizmatlar 1,2 trillion so‘mga ko‘payadi, kamida 2 mingta ish o‘rni yaratiladi.
V gorode Xive sostoyalas torjestvennaya seremoniya otkritiya mejdunarodnogo turisticheskogo sentra "Arda Xiva". Na meropriyatii vistupil Prezident Shavkat Mirziyoyev
© Press-slujba prezidenta Uzbekistana
“Ishonchim komil, “Arda Xiva” Xorazmdagi turizm rivojida yangi sahifa ochadi, viloyatning ikkinchi “tashrif qog‘ozi”ga aylanadi. Ushbu betakror maskan Xorazmga, butun xalqimizga muborak bo‘lsin”, – dedi prezident.
Ta’kidlanishicha, shuningdek, endi Xiva tumanidan 2 ming 400 gektar yer Xiva shahriga o‘tkazilib, u joyda “Sahro yulduzi” turistik majmuasi bunyod etiladi. Unda mehmonxonalar, ko‘ngilochar markazlar, gastronomik va savdo ko‘chalari, muzeylar, ekouylar, yozgi lager, ekstremal turizm joylari bo‘ladi.
Shuningdek, Tuproqqal’ada cho‘l hududidagi 5 ming gektar yerda safari va ov turizmi rivojlantiriladi. Urganch shahri, Shovot, Qo‘shko‘pir, Xiva va Hazoraspdan oqib o‘tadigan G‘azovot, Polvon, Shovot kanallari bo‘ylarida 50 million dollarlik 80 ta xizmat ko‘rsatish, savdo-ko‘ngilochar obyektlari ishga tushiriladi. Bog‘ot, Gurlan, Yangibozor va Urganch tumanida turizm qishloqlari tashkil etiladi.
Ma’mun akademiyasi binosi oldidagi 2 gektar bog‘ “Buyuk allomalar” nomli ochiq osmon ostidagi “smart” muzeyga aylantiriladi. Shu asosda Xorazmda kamol topgan o‘nlab mumtoz ajdodlarning ibratli hayot yo‘li, boy ijodiy merosi interaktiv usulda bir nechta xorijiy tillarda sayyohlarga taqdim etiladi.
Prezident marosimda qatnashgan xorijlik mehmonlarni ham qutlab, hamkor ellarga hurmat va ezgu tilaklarini bildirdi.
V gorode Xive sostoyalas torjestvennaya seremoniya otkritiya mejdunarodnogo turisticheskogo sentra "Arda Xiva". Na meropriyatii vistupil Prezident Shavkat Mirziyoyev
© Press-slujba prezidenta Uzbekistana
“Bugun dunyodagi murakkab vaziyatga qaramasdan, O‘zbekiston o‘z yo‘lidan dadil bormoqda. Xalqimiz tinchlik va farovonlik, do‘stlik va hamkorlik, bunyodkorlik ruhi bilan yashamoqda. Bizning har bir maqsad-rejamiz, har bir islohotimiz odamlarimiz hayotini yaxshilashga, ularni rozi qilishga qaratilgan va bu ishlarimiz, inshoolloh, bardavom bo‘lgay. Aminmanki, siz, azizlar bilan fidokorona mehnat qilib, Xorazm va Qoraqalpog‘istonni dunyodagi eng go‘zal va obod, ilm-fan va innovatsiyalar, madaniyat va san’at yanada rivojlangan zaminga aylantiramiz”, – dedi Shavkat Mirziyoyev.
Marosim katta konsert namoyishi bilan yakunlandi.
V gorode Xive sostoyalas torjestvennaya seremoniya otkritiya mejdunarodnogo turisticheskogo sentra "Arda Xiva". Na meropriyatii vistupil Prezident Shavkat Mirziyoyev
© Press-slujba prezidenta Uzbekistana
V gorode Xive sostoyalas torjestvennaya seremoniya otkritiya mejdunarodnogo turisticheskogo sentra "Arda Xiva". Na meropriyatii vistupil Prezident Shavkat Mirziyoyev
© Press-slujba prezidenta Uzbekistana
