Ro‘za qabul bo‘lganining 13 alomati e’lon qilindi
© Sputnik / Ramiz Baxtiyarov
Obuna bo‘lish
Solih amallarning qabul bo‘lganining ba’zi alomatlari borligi aytildi.
TOShKENT, 30 mar — Sputnik. O‘zbekiston musulmonlari idorasi Ro‘za qabul bo‘lganining 13 alomatini e’lon qildi.
“Alloma Shinqitiy rahimahulloh aytadilar: "Bandaning qilgan yaxshi amalining qabul bo‘lgani yoki bo‘lmagani g‘ayb ishi bo‘lib, uni faqat Alloh taolo biladi. Ammo solih amallarning qabul bo‘lganining quyidagi ba’zi alomatlari bor”, — deyiladi xabarda.
Ro‘za qabul bo‘lganining 13 alomati:
Ibodatlarga yanada ko‘proq rag‘bat qilish.
Ibodatlardan rohatlanish, ularni xushu’-xuzu’ bilan ado etish.
Ibodat asarining zohir bo‘lishi. Masalan, namozning fahsh va man etilgan ishlardan qaytarishi.
Ibodatlarni ado etishga muhabbatli bo‘lish. Nafl namozlarni ko‘paytirish.
Gunoh-ma’siyatlardan uzoqlashish.
Ibodatlar qabul bo‘lmay qolishidan xavfda bo‘lish. Ujb va kibrga berilmaslik.
Solih amallarni ko‘paytirish. Hasan Basriy rahmatullohi alayh: “Alloh bandadan amalini qabul etgan bo‘lsa, uni toat-ibodatga, yana yaxshilik qilishga yo‘llab qo‘yadi”, deganlar.
Shavvol oyidan 6 kun nafl ro‘za tutish.
Ibodatlarning oson qilib qo‘yilishi. Toat-itoatda bardavom bo‘lish.
Ko‘p duo qilish.
Solihlarni yaxshi ko‘rish.
Istig‘for aytishni, zikr qilishni hamda Qur’oni karim tilovatini ko‘paytirish.
Kechalari qoim bo‘lish.
