O‘zbekiston-Mo‘g‘uliston hukumatlari o‘rtasida yig‘ilish bo‘lib o‘tdi — erishilgan kelishuvlar
© Ministerstvo investitsiy, promishlennosti i torgovli Respubliki Uzbekistan
Obuna bo‘lish
O‘zbekiston va Mo‘g‘uliston o‘rtasidagi tovar ayirboshlash hajmi 50 foizga oshdi.
TOShKENT, 9 fev — Sputnik. Toshkentda O‘zbekiston-Mo‘g‘uliston Hukumatlararo komissiyaning birinchi yig‘ilishi bo‘lib o‘tdi, deya xabar berdi Investitsiyalar, sanoat va savdo vazirligi matbuot xizmati.
O‘zbekiston bosh vazirining o‘rinbosari Jamshid Xo‘jayev va Mo‘g‘uliston bosh vaziri o‘rinbosari Sainbuyan Amarsaixanlarning ikki tomonlama uchrashuvi bo‘lib o‘tdi. Unda o‘zaro savdo ko‘rsatkichlari, sarmoyalarni jalb etish va sanoat kooperatsiyasi bo‘yicha aniq maqsadlar belgilab olindi.
V Tashkente sostoyalos pervoe uzbeksko-mongolskoe MPK
© Ministerstvo investitsiy, promishlennosti i torgovli Respubliki Uzbekistan
“O‘zbekiston bilan Mo‘g‘uliston o‘rtasidagi tovar ayirboshlash hajmi o‘tgan yil yakuniga ko‘ra qariyb 50 foizga oshgani, joriy yilda ham ijobiy tendensiya barqaror saqlanib qolayotgani qayd etildi. Yengil avtomobillar, oziq-ovqat mahsulotlari va elektr jihozlari yetkazib berishda sezilarli o‘sish kuzatildi. Ayni paytda Mo‘g‘uliston kompaniyalari O‘zbekiston hududlarida chorvachilik, geologiya, moliya va tibbiyot sohalarida loyihalarni amalga oshirmoqda”, — deyiladi xabarda.
Qayd etilishicha, Hukumatlararo komissiyaning 1-yig‘ilishi doirasida muzokaralar bo‘lib o‘tdi. Unda vazirlik, idora va tarmoq birlashmalari rahbarlarining amaldagi kelishuvlar ijrosi yuzasidan hisobotlari tinglandi.
“Loyihalarning har bir bosqichi atroflicha tahlil qilinib, ularni muvaffaqiyatli amalga oshirishni jadallashtirish bo‘yicha samarali yechimlar ishlab chiqildi, muddatlar hamda mas’ul shaxslar belgilab olindi”, — deya qayd etilgan xabarda.
Tadbirlar dasturi ikki mamlakatning 150 dan ortiq yirik kompaniyalari rahbarlari ishtirokidagi biznes-forum va ishbilarmonlar kengashining ta’sis yig‘ilishi bilan davom etdi.
“Tadbirlar yakunlari bo‘yicha O‘zbekiston-Mo‘g‘uliston hukumatlararo qo‘shma komissiyasining 1-majlisi bayonnomasi hamda bir qator ikki tomonlama shartnomalar, jumladan, Toshkent davlat agrar universiteti va Mo‘g‘uliston hayot fanlari universiteti o‘rtasida ta’lim sohasiga oid kelishuvlar imzolandi”, — deyiladi vazirlik xabarida.
Jamshid Xodjayev o‘z so‘zida ishbilarmon doiralar o‘rtasidagi o‘zaro hamkorlikni faollashtirish, mintaqaviy bozorlar sig‘imi va transport-logistika imkoniyatlarini chuqur tahlil qilish asosida savdo aloqalarini tubdan kengaytirish muhimligini ta’kidladi.
