Qozondagi dron hujumi: Rossiya Mudofaa vazirligi tafsilotlarni ma’lum qildi
15:28 21.12.2024 (yangilandi: 15:30 21.12.2024)
© Sputnik / RIA Novosti
/ Obuna bo‘lish
Navbatchi havo hujumidan mudofaa tizimlari uchta dronni urib tushirdi, yana uchta dron radioelektron kurash tizimlari tomonidan bostirildi.
TOShKENT, 21 dek — Sputnik. Rossiya harbiylari Qozondagi tinch aholi obyektlariga hujum qilishga uringan oltita Ukraina dronlarining hujumlarini qaytardi, deb xabar berdi Rossiya Mudofaa vazirligi.
“Soat 7:40 dan 9:20 gacha bo‘lgan davrda Kiyev rejimi Qozon shahridagi fuqarolik infratuzilmasi obyektlariga samolyot tipidagi dronlar yordamida hujum qildi”, - deyiladi xabarda.
Navbatchi havo hujumidan mudofaa tizimlari uchta dronni urib tushirdi, yana uchta dron radioelektron kurash tizimlari tomonidan bostirildi.
Hozirgi vaqtgacha nimalar ma’lum:
uchta tuman - Sovetskiy, Kirovskiy va Privoljskiydagi uylarda yong‘in sodir bo‘ldi;
Kiyev rejimi turar-joy binolari va sanoat korxonalarini nishonga oldi;
halok bo‘lganlar va yaralanganlar yo‘q;
joylarda operativ xizmatlar ishlamoqda, barcha yordam ko‘rsatilmoqda, evakuatsiya qilingan aholi joylashtirilib, oziq-ovqat bilan ta’minlanmoqda;
Qozon meriyasi zarur hollarda maktablarda tanlangan evakuatsiya qilishni e’lon qildi;
sanoat korxonalaridagi navbatchilar evakuatsiya qilindi, ishchilar boshpanalarga joylashtirildi;
Qozon aholisidan sirena ovozi ostida yerto‘laga tushish so‘raldi;
turar-joy majmualaridan birida bino elementi shikastlangan, barcha kommunikatsiyalar ishlamoqda, boshqa joyga ko‘chirishlar talab qilinmagan;
Qozon, Ijevsk va Saratov aeroportlari faoliyatiga vaqtinchalik cheklovlar joriy etildi;
Qozonda ommaviy tadbirlar xavfsizlik nuqtayi nazaridan ikki kunga bekor qilindi.
