Baxtiyor Saidov BMTda nutq so‘zladi — O‘zbekiston qanday takliflarni ilgari surdi?
12:18 26.09.2024 (yangilandi: 15:29 26.09.2024)
© OON / L. Jariel
Obuna bo‘lish
Baxtiyor Saidov BMT Bosh Assambleyasining 79-sessiyasida nutq so‘zladi.
TOShKENT, 26 sen — Sputnik. O‘zbekiston tashqi ishlar vaziri Baxtiyor Saidov BMT Bosh Assambleyasining 79-sessiyasida nutq so‘zladi.
Ministr inostrannix del Respubliki Uzbekistan Baxtiyor Saidov
© Baxtiyor Saidov
“Biz dunyoning ko‘p nuqtalarida notinchliklar kuchayib borayotganiga guvoh bo‘lmoqdamiz. Iqlim o‘zgarishi, kambag‘allik, texnologik nomutanosiblik kabi dolzarb muammolarni hal qilishda barchani yaqinroq global hamkorlikka chaqiramiz. Barqaror rivojlanish maqsadlariga sodiqlik va Markaziy Osiyoda tinchlik va barqarorlikni ta’minlashda faol ishtirok etish bizning asosiy ustuvor vazifalarimiz bo‘lib qoladi”, — deb yozadi vazir o‘zining Telegram-kanalida.
O‘zbekiston quyidagilarni taklif qildi:
rivojlanayotgan davlatlar imkoniyatlarini kengaytirish maqsadida xalqaro moliya tizimini isloh qilish;
barcha uchun xavfsiz, foydalanish mumkin bo‘lgan raqamli texnologiyalar bilan ta’minlash;
iqlim o‘zgarishiga qarshi kurash bo‘yicha xalqaro hamkorlikni, ayniqsa Markaziy Osiyoning zaif mintaqalarida kuchaytirish;
ayollar va yoshlar imkoniyatlarini kengaytirish;
terrorizm va korrupsiyaga qarshi kurashishda harakatlarimizni birlashtirish;
Markaziy Osiyo va undan tashqarida transport koridorlari va iqtisodiy aloqalarni kengaytirish;
Termiz shahridagi Afg‘oniston fuqarolari uchun o‘quv markazini Global o‘quv markaziga aylantirish.
Eslatib o‘tamiz, avgust oyida BMT Bosh Assambleyasi bir ovozdan “Degradatsiyaga uchragan va qurg‘oq hududlarda barqaror o‘rmonzorlarni barpo etish, daraxt ekish va ularni targ‘ib qilish – ekologik muammolarga qarshi kurashning samarali yechimi” rezolyutsiyasini qabul qildi.
